သျှမ်းပြည်နယ်တောင်ပိုင်း၊ ညောင်ရွှေမြို့နယ်၊ အောင်ချမ်းသားကျေးရွာဘက်တွင် မိုးကြီးရေလျှံမှု ကြုံရသဖြင့် ပြောင်းပင်များ ပျက်စီးခဲ့ရကြောင်း ဒေသခံတောင်သူများထံမှသိရသည်။
ယခု စက်တင်ဘာလ ပထမပတ်တွင် မိုးအဆက်မပြတ်ရွာနေသည့်အပြင် လေပြင်းများပါတိုက်ခြင်းကြောင်း ပြောင်းပင်များလဲခဲ့ရကြောင်း ပြောင်းတောင်သူ အမျိုးသမီး တစ်ဉီးက သျှမ်းသံတော်ဆင့်ကိုပြောသည်။
“ပြောင်းက မရင့်သေးဘူး ခုလိုလဲသွားတော့ အများစုက ပျက်စီးသွားတယ်။နောက်ပြီး ရင့်တဲ့အပင်ဆိုလည်း ခုလိုလဲသွားတော့ကြွတ်ကိုက်တာ၊ခြစားတာ အကောင်တွေဖျတ်ဆီးတာနဲ့ကြုံရတယ်”ဟု ဒေသခံတောင်သူတစ်ဦးက သျှမ်းသံတော်ဆင့်ကိုပြောသည်။
ယခုနှစ်တွင်သွင်းအားစု အရင်းအနှီး၊ပြောင်းမျိုးစေ့များ ယခင်နှစ်ထက် နှစ်ဆစျေးမြင့်တက်နေပြီး ယခုလို သဘာဝဘေးနှင့်ကြုံတွေ့နေရခြင်းကြောင်း အရှုံးများနှင့်ရင်ဆိုင်နေရပြီး တောင်သူများစိတ်ဓာတ်ကျနေရကြောင်း သိရသည်။
“ယခုနှစ်က အကုန်လုံးက စျေးကြီးတယ်လေ။နိုင်ငံရေးလည်းကြုံ သဘာဝဘေးလည်းကြုံ ကုန်စျေးနှုန်းလည်း အကုန်ကြုံဆိုတော့ လူလည်းစိတ်ဓာတ်ကျရတယ်”ဟု ပြောင်းစိုက်တောင်သူတစ်ဦးကပြောသည်။
အလားတူပင် ညောင်ရွှေမြို့နှင့်ထိစပ်နေသည့် ပင်လောင်းမြို့နယ်တွင်လည်း မိုးအဆက်မပြတ်ရွာခြင်းကြောင့်ဒေသခံစိုက်ပျိုးထားသောပြောင်း၊ ခရမ်းချဉ်သီး၊အာလူးများရေမြှုပ်ကြပြီး လက်ဖက်ခြံများသွာလည်း တောင်ပြိုသည့်အထဲပါသွားခဲ့ရကြောင်းသိရသည်။
Leave a Comments