သျှမ်းပြည် သီပေါမြို့နယ်တွင် စစ်ကောင်စီ၏ လက်နက်ကြီးဖြင့် ပစ်ခတ်မှုကြောင့် အရပ်သား တစ်ဦးသေဆုံးပြီး အမျိုးသမီးတစ်ဦး ထိခိုက် ဒဏ်ရာရရှိခဲ့ကြောင်း သတင်းရရှိသည်။
ယမန်နေ့ (စက်တင်ဘာလ ၅ ရက်) နံနက် ၉ နာရီဝန်းကျင်တွင် နမ့်လန်မြို့ အခြေစိုက်ထားသည့် စစ်ကောင်စီ၏ ခြေမြန်တပ်ရင်း ခမရ (၅၀၆) တပ်မှ သီပေါမြို့နယ် ကျောင်းပြိန်းရွာသို့ လက်နက်ကြီးပတ်ခတ်မှုကြောင့် အမျိုးသားတစ်ဦး သေဆုံးခဲ့ပြီး၊ အမျိုးသမီးတစ်ဦး ဒဏ်ရာရရှိခဲ့ကြောင်း အသက် ၃၀ ဝန်းကျင်အမျိုးသားတစ်ဦးက သျှမ်းသံတော်ဆင့်ကို ပြောသည်။
“နမ့်လန်မှာ အခြေစိုက်တဲ့တပ်တွေက လက်နက်ကြီးနဲ့ မကြာခဏ ရမ်းပြီးတော့ ပစ်နေတာ။မနေ့က ၉ နာရီကျော်မှာပဲ ပစ်လာတဲ့လက်နက်ကြီးက ရွာဘက်က အိမ်ပေါ် ကျပြီး တစ်ယောက်က ချက်ချင်းပွဲခြင်းပြီးဆုံး သွားတာ။အမျိုးသမီးတစ်ယောက်ကတော့ ဒဏ်ရာရသွားတယ်။”ဟု အသက် ၃၀ ဝန်ကျင် ဒေသခံအမျိုးသား တစ်ဦးက ပြောသည်။
ထိုသေဆုံးသွားသည့် အမျိုးသားသည် သီပေါမြို့နယ် ကျောင်းပြိန်ရွာတွင် နေထိုင်သူ အသက် ၇၂ အရွယ်ရှိ ဦးလုံးစိတ် ဖြစ်ပြီး၊ ၎င်း၏ ဇနီးဖြစ်သူ အသက် ၇၂နှစ်အရွယ် ဒေါ်နန်းရွက် သည် ခြေးထောက်နှင့် ခန္ဓာကိုယ်တွင် လက်နက်ကြီးစများထိမှန်ထားပြီး ဒဏ်ရာပြင်းထန်ရထားကြောင်း အထက်ပါ အမျိုးသားက ပြောသည်။
သီပေါမြို့နယ်တွင် သြဂုတ်လမှ စက်တင်ဘာလထိ စစ်ကောင်စီ၏ လက်နက်ကြီး၊လေကြောင်းတို့ ပတ်ခတ်တိုက်ခိုက်မှုကြောင့် ကလေးအပါအဝင် ဒေသခံ ၂၄ ဦးသေဆုံးပြီး ၆၃ ဦး ထက်မနည်း ထိခိုင်ဒဏ်ရာရရှိထားကြောင်း သိရသည်။
