ထိုင်း-မြန်မာနယ်စပ် မြန်မာနိုင်ငံ တာချီလိတ်မြို့ဘက်က ပို့လာသည့် တန်ဖိုးဘတ်ငွေ သန်း ၁ထောင်ကျော်ရှိသည့် စိတ်ကြွဆေး ပြား ၆ သန်းကို ချင်းရိုင်ရဲတပ်ဖွဲ့က စက်တင်ဘာလ ၃ ရက်နေ့တွင် ဖမ်းဆီးနိုင်ခဲ့ကြောင်း သတင်းထုတ်ပြန်လာသည်။
ထိုင်း-မြန်မာနယ်စပ်ဖြစ်သည့် တာချီလိတ်မြို့တွင် မူးယစ်ဆေးဝါးဝယ်ယူရောင်းချသည့်လုပ်ငန်းများကို ပိုမိုလုပ်ဆောင်သည့် ဒေသတစ်ခုလည်းဖြစ်သည်။
မူးယစ်ဆေးဝါးတင်သွင်းသူများသည် ဘတ်သန်း ၁ထောင်ကျော် တန်ဖိုးရှိသော စိတ်ကြွဆေးပြားများကို ထိုင်းနိုင်ငံအတွင်းပိုင်းအထိ ပိုဆောင်ပေးရန် အခကြေးငွေပေးပြီးစေခိုင်းတာဖြစ်ကြောင်း ချင်းရိုင်း အမှတ် (၅) ဒေသ ရဲမှူး ဝိုရဖုန်း ခန်လေရာက Pol.Maj.Gen. Worapong Khamluea က သတင်းစာရှင်းလင်းပွဲတွင် ပြောဆိုခဲ့သည်။
” တဘက်နိုင်ငံက ဝင်လာတဲ့စိတ်ကြွဆေးတွေကို စက်တင်ဘာလ ၃ ရက်မှာ (ချင်းစန်မြို့နယ်)အတွင်းမှာ ဖမ်းမိတယ်။ မောင်းပြေးလာတဲ့ကားနှစ်စီးနဲ့ ရှေ့ပြေးဆိုင်ကယ်နှစ်စီးနောက်ကို ရဲကလိုက်ဖမ်းဆီးခဲရာ ဆေးပြား သန်း ၆ သန်းကိုမိတယ်” ဟု ၎င်းကပြောသည်။
ရဲတပ်ဖွဲ့တွေက ဆက်လက်လိုက်လံဖမ်းဆီးရာတွင် ထိုင်းတောင်ပေါ်တိုင်းရင်းသားကဒ် ကိုင်ဆောင်ထားသည့် မြန်မာမျိုးနွယ် အမျိုးသား ၆ ဦးကို ဖမ်းဆီးနိုင်ခဲ့သည်ဟု ပြောဆိုထားသည်။
မြန်မာနိုင်ငံ တာချီလိတ်လက်ကနေ မူးယစ်ကုန်သည်တွေသည် အခကြေးငွေ ဘတ်၃ သိန်းပေးပြီး သယ်ဆောင်ခိုင်းခဲ့ကြောင်း ဖမ်းမိသူကပြောသည်။
ထိုင်းနိုင်ငံအတွင်းသို့ ပို့ဆောင်ပေးခဲ့သည်မှာ ယခုတစ်ကြိမ်ဆို လေးကြိမ်မြောက်ဖြစ်ကြောင်း သိရသည်။
အလုပ်သင် သတင်းထောက် နန်းဆိုင်ခမ်း ရေးသားသည်။
Leave a Comments