သျှမ်းပြည် လင်းခေးမြို့တွင် ယနေ့ (စက်တင်ဘာ ၄)ရက် နံနက်ပိုင်းတွင် မူယစ်ဆေးဝါးသုံးစွဲသော အသက် ၃၀အရွယ်ရှိ အမျိုးသားတစ်ဦးသည် လက်လုပ် သေနက်ဖြင့် ရမ်းသမ်းပစ်ခတ်မှုကြောင့် အမျိုးသားတစ်ဦး သေဆုံးသွားကြောင်း သတင်းရရှိသည်။
ဖြစ်စဥ်မှာ ယနေ့ (စက်တင်ဘာ ၄)ရက် နံနက်ပိုင်းတွင် မူးယစ်ဆေးသုံးစွဲပြီး ဆေးကြောင်နေသော အမျိုးသားတစ်ဦးသည် လက်လုပ်သေနတ်ဖြင့် ရမ်းသမ်းပစ်ခတ်မှုကြောင့် ခြံသို့သွားနေသည့်အမျိုးသားတစ်ဉီးကိုထိမှန်ကာ သေဆုံးသွားကြောင်း လင်းခေးမြို့ဒေသခံများက ပြောသည်။
” ဆေးကြောင်ပြီး ပစ်တာ၊ လက်လုပ်သေနတ်ပါပဲ၊ ၃ချက်ပစ်တာ ခြံသွားတဲ့သူကို ထိသွားတာ။ အခုဆေးကြောင်တဲ့သူကိုတော့ သက်ဆိုင်ရာက ဖမ်းသွားပြီ” ဟု လင်းခေးမြို့ ဒေသခံ အမျိုးသမီး တစ်ဉီးက ပြောသည်။
အဆိုပါ ဖြစ်စဥ်မျိုးသည် လင်းခေးမြို့တွင် မကြုံဖူးကြောင်း၊ စစ်အာဏာသိမ်းပြီးနောက် လင်းခေးမြို့အတွင်း မူးယစ်ဆေးဝါး သည် အလွန်တကူ ဝယ်ယူလာနိုင်ပြီး၊ သုံးစွဲသူများလည်း ပိုများလာကြောင်း သိရသည်။
အလားတူ သြဂုတ်လ ၂၂ ရက် တွင်လည်း မိုင်းရှူးမြို့ ရပ်ကွက် (၂) အတွင်း မူးယစ်ဆေးဝါး သုံးစွဲသည့် အမျိုးသားတစ်ဦးမှ နေအိမ်ကို မီးရှို့ခြင်းကြောင့် မီးလောင်မှု ဖြစ်ပွားခဲ့ကြောင်းသိရသည်။
Leave a Comments