သျှမ်းပြည်မြောက်ပိုင်း တအာင်းအမျိုးသားလွတ်မြောက်ရေးတပ်မတော် (TNLA) ထိန်းချုပ်ထားသည့် မန်တုံမြို့ကို စစ်ကောင်စီမှ ဂျက်လေယာဉ်ဖြင့် ဗုံကြဲတိုက်ခိုက်ပြီး၊ ဒေသခံတစ်ဦးဒဏ်ရာရရှိခဲ့သည်ဟု စုံစမ်းသိရသည်။
ယမန်နေ့ (စက်တင်ဘာလ ၃ ) ည (၁၁)နာရီဝန်းကျင်တွင် စစ်ကောင်စီမှ မန်တုံမြို့ ကို ဂျက်လေယာဉ်ဖြင့် ဗုံး ၂ လုံး လာရောက်တိုက်ခိုက်ခဲ့ပြီး၊ ဒေသခံတစ်ဦးဒဏ်ရာရရှိကာ လက်ဖက်စက်ရုံနှင့် နေအိမ် ၄လုံးထက်မနည်း ပျက်စီးမှုရှိသည်ဟု အကြောင်းသိသူတစ်ဉီးက သျှမ်းသံတော်ဆင့်ကို ပြောသည်။
‘’ မနေ့ည ၁၁နာရီဝန်းကျင်မှာ ဗုံးလာကြဲသွားတယ်။ တစ်ဦးဒဏ်ရာရတယ် ကျတာက လက်ဖက်စက်ရုံနားကျတော့ ဘယ်သူတွေ ထပ်ထိသေးလည်းတော့ မသိသေးဘူး။ ဘေးကနေအိမ်တွေပါ ထိပြီးပျက်ဆီးတယ် အိမ်၄လုံးတင်မကဘူး’’ ဟု ၎င်းကပြောသည်။
ညီနောင်မဟာမိတ် ၃ ဖွဲ့ကို စစ်ကောင်စီက အကြမ်းဖက်အုပ်စုအဖြစ် ကြေညာပြီးနောက်တွင် TNLA ထိန်းချုပ်ထားတဲ့ နယ်မြေကို စစ်ကောင်စီတပ်က လာရောက်ဗုံးကြဲတိုက်ခဲ့သည်။
လက်ရှိတွင်နေအိမ်ပျက်စီး ၊ လူထိခိုက် ပျက်စီးဆုံးရှုံးမှုတွေကို အတိအကျမသိရသေးပေ။
အလုပ်သင် သတင်းထောက် နန်းဆိုင်ခမ်း ရေးသားသည်။
Leave a Comments