သျှမ်းပြည်နယ်တောင်ပိုင်း၊ ရပ်စောက်မြို့နယ် အတွင်း တိုက်ပွဲ ဖြစ်ပွားခြင်းမရှိဘဲ စစ်ကောင်စီမှ အကြောင်းမဲ့ လေကြောင်းတိုက်ခိုက်တာကြောင့် အသက်၆၀ အရွယ် အမျိူးသမီးတစ်ဦးထိခိုက် ဒဏ်ရာ ရရှိခဲ့ကြောင်း သတင်းရရှိသည်။
ယနေ့ (စက်တင်ဘာလ ၃) ရက် နံနက် ၁၀ နာရီကျော်တွင် ကျောက်ဂူတိုက်နယ် ဝါးပြားကျေးရွာအတွင်း လေယာဥ်ဖြင့် ဗုံးကြဲတိုက်ခိုက်မှုကြောင့် အသက် (၆၀)အရွယ်ရှိ အမျိုးသမီး တစ်ဦး ထိခိုက်ဒဏ်ရာရရှိခဲ့ပြီး ဘာသာရေးအဆောက်ဦးအပါဝင် အဆောက်အဦး အချို့ ပျက်စီးသွားကြောင်း ဓနုပြည်သူ့လွတ်မြောက်ရေးတပ်ဦး(DPLF) မှ ထုတ်ပြန်ထားသည်။
“စစ်ရေးပစ်မှတ်တွေကို မခွဲခြားဘဲ အရပ်သားတွေပါ သိမ်းကြုံးတိုက်ခိုက်တဲ့ စစ်ကောင်လုပ်ရပ်ဟာ စစ်ရာဇဝတ်ကို ပေါ်ပါ်ထင်ထင်ဆိုးဆိုးရွားရွား ကျုးလွန်နေတဲ့ စက်ဆုတ်စရာလုပ်ရပ်ပါပဲ”ဟု (DPLF)မှ ပြောရေးဆိုခွင့်ရှိသူမှ သျှမ်းသံတော်ဆင့်ကိုပြောသည်။
လက်ရှိတွင်ကျောက်ဂူတိုက်နယ်အတွင်း စစ်ကောင်စီက လက်နက်ကြီး၊လေကြောင်းဖြင့် ရမ်းသမ်းပစ်ခတ်မှုတွေ ရှိနေတာကြောင့် ကျေးရွာအချို့တွင် စစ်ဘေးရှောင်နေရကြောင်း သိရသည်။
၁၀၂၇ စစ်ဆင်ရေးဒုတိယလှိုင်းကို သြဂုတ်လ ၅ ရက်နေ့တွင် တအာင်းအမျိုးသားလွတ်မြောက်ရေးတပ်မတော် (TNLA)နှင့် PDF ပူးပေါင်းတပ်တို့မှ ကျောက်မဲ မြို့ကိုသိမ်းပိုက်နိုင်ခဲ့ ပြီး လက်ရှိ တပ်မဟာ ၂ နယ်မြေ နောင်ချိုမြို့နယ်တွင် တိုက်ပွဲ ဖြစ်ပွားလျှက်ရှိကြောင်းသိရသည်။
အလားတူ စက်တင်ဘာလ( ၁ ရက်)နေ့ သီပေါမြို့တွင် စစ်ကောင်စီတပ်မှ လက်နက်ကြီး ပစ်ခတ်မှုကြောင့် ဒေသခံအမျိုးသမီး (၁)ဦး သေဆုံး အမျိုးသား(၁)ဦး ထိခိုက်ဒဏ်ရာရရှိခဲသည်။
အလုပ်သင် သတင်းထောက် နန်းလရောင် ရေးသားသည်။
