သျှမ်းပြည်မြောက်ပိုင်း၊ သီပေါမြို့တွင် စစ်ကောင်စီ၏လက်နက်ကြီးကြောင့် AAA စက်သုံးဆီသိုလှောင်ကန်မီးလောင်မှုဖြစ်ပွားခဲ့ကြောင်းသိရသည်။
ယနေ့ နံနက် ၁၁နာရီခွဲအချိန်တွင် စစ်ကောင်စီမှလက်နက်ကြီးဖြင့် သီပေါမြို့ကို ပစ်ခတ်ခဲ့ပြီး AAA စက်သုံးဆီသိုလှောင်ကန် မီးလောင်မှုဖြစ်ပွားခဲ့တာကြောင့် ဘေးအိမ်များကို အနည်းငယ် မီးကူးစက်ခံခဲ့ရကြောင်းသိရသည်။
“ ဆီသိုလှောင်ကန်က ကြီးတယ်။ အချိန်မီ မီးငြိမ်းနိုင်ခဲ့တော့ ဘေးအိမ်ကိုအရမ်းမထိခဲ့ဘူး။ ဆီတွေတော့ အကုန်မရှုံးခဲ့ဘူး။” ဟု ဖြစ်စဥ◌်ကိုသိရှိသူတစ်ဦးကဆိုသည်။
ဒေသခံလူများ၊ လူမှုကူညီရေးအသင်းနှင့် တအာင်းအမျိုးသားလွတ်မြောက်ရေးတပ်မတော် (TNLA) တို့က သုံးနာရီခွဲအကြာထိ မီးငြိမ်းပေးခဲ့ရကြောင်းသိရသည်။
လက်ရှိသီပေါတွင် တိုက်ပွဲအပစ်ခတ်ရပ်နေပြီး စစ်ကောင်စီမှ လက်နက်ကြီးပစ်ခတ်မှုများလည်းရှိနေကာ ဒေသခံလူထုများလည်းပုံမှန်တိုင်းသွားလာနေကြကြောင်းသိရသည်။
ပြီးခဲ့သည့်( ဩဂုတ်လ ၁၅ ရက်)နေ့တွင် သီပေါမြို့ စစ်ကောင်စီ ခြေလျင်တပ်ရင်း ခလရ-(၂၃) ကို TNLA နှင့် ပူးပေါင်းတပ်ဖွဲ့များက ထိုးစစ်ဆင်တိုက်ခဲ့ပြီး နှစ်ဖက်တိုက်ပွဲအတွင်း အရပ်သား (၂၀) ကျော် ထိခိုက်သေဆုံး၍ ပြည်သူနေအိမ်အများပြားပျက်စီးသွားကြောင်း သိရသည်။
အလုပ်သင် သတင်းထောက် နန်းလရောင် ရေးသားသည်။
Leave a Comments