သျှမ်းပြည် ပင်လောင်းမြို့ တောင်ဘက်ရှိ ကျေးရွာဒေသခံတောင်သူများ စိုက်ပျိုးထားသော ပြောင်းများကို ပအိုဝ်းပြည်သူ့စစ် (PNO) က ပြန်ဖျက်ခိုင်းခဲ့ကြောင်း စုံစမ်းသိရသည်။
ယခုသြဂုတ်လပထမပတ်တွင် ဖျတ်ဆီးခိုင်းခဲ့ပြီး အရင်းနှီးများစွာဖြင့်ရင်းထားပြီး ယခုလို ပြန်ဖျတ်ရခြင်းကြောင်း ဒေသခံများကစိတ်ထိခိုက်ကြရပြီး သောကပူပြင်မှုများနှင့်ကြုံတွေ့နေရသည်။
“မစိုက်ခင်ပြောပါလားနော် ခုပြောင်းက အသီးသီးတော့မယ် ။မဖျတ်ချင်ရင်လည်း သူတို့က ကျပ်ငွေ သိန်၂၀၀ ၊၃၀၀ တောင်းတယ်။ မပေးနိုင်တော့လည်း အကုန်လုံးရှုံးတယ်။ခေါင်းတွေထူပူနေတော့တာပဲ”ဟု ပြောင်းတောင်သူတစ်ဦးက သျှမ်းသံတော်ဆင့်ကိုပြောသည်။
လက်ရှိ ပင်လောင်းတောင်ဘက် နှင့် ဂျာမနီလမ်းတစ်ကြောတွင် ပြောင်းဧဏ တစ်ရာကျော် ပြန်ဖျတ်ဆီးရကြောင်း ဒေသခံများပြောပြချက်အရသိရသည်။
“ပြောင်းပင်ကရှည်တယ် ။တော်လှန်ရေးအဖွဲ့ ခိုမှာစိုးလို့တဲ့ အဲလိုပြောပြီး ဖျတ်ခိုင်းတယ်။ဘာဆက်လုပ်ရမှန်းတောင်မသိတော့ဘူး။ကုန်စျေးနှုန်းလည်းတက်တော့ သား၊သမီးရှေ့ရေး တွေးပြီ ပူပူလောင်ရတယ်။ “ဟု ပြောင်းစိုက်တောင်သူက ဆက်ပြောသည်။
ဆောင်းပြောင်းကျေးရွာတွင်လည်း ၂၀၂၃ခုနှစ်၊၂၀၂၄ခုနှစ်တွင် PNOက ရွာသားများကို ပြောင်းနှင့် နေကြာ စိုက်ပျိုးခွင့် မပြုကြောင်း ဒေသခံများထံမှသိရသည်။
Leave a Comments