ယခုရက်ပိုင်း၌ ပြည်တွင်းငွေကြေးတန်းဖိုး ကျဆင်းထိုးကျနေမူကြောင့် ဟိုပုံးမြို့တွင် ကျပ်ငွေအစား အိမ်ခြံမြေ၊ မြေကွက်ဝယ်ယူသူပိုများလာကြောင်း စုံစမ်းသိရသည်။

သျှမ်းပြည်နယ်တောင်ပိုင်း၊ ဟိုပုံးမြို့အတွင်းရှိ မြေကွက်များကို ယခင်နှစ်များထက် မြန်မာ့ငွေကြေးတန်ဖိုး ပိုမိုကျဆင်းလာပြီးနောက်ပိုင်း မြေကွက်အဝယ်ပိုများလာကြောင်း မြေပွဲစားလုပ်ကိုင်နေသူက ပြောသည်။

“ဘာလို့ဆို ကျပ်ငွေတန်ဖိုးတအားကျနေတော့ လက်ထဲ ငွေမထားချင်ဘူးလေ အဲကြောင့်မြေကွက်တွေ ဝယ်လာကြတယ် မြေကွက်အဝယ်များတော့ ရောင်းတဲ့လူက ရှားတယ် ပွဲစားတွေဘဲ ပိုများတယ် ” ဟု ဆိုသည်။

မြေကွက် ဝယ်ယူသူများထဲတွင် ကျေးရွာဘက်က ပိုများပြီး တိုင်းပြည်မငြိမ်သက်မူကြောင့် သူခိုး၊ ဓားပြရန်မှ ကာကွယ်ရန်နှင့် ကျပ်ငွေကြေးတန်ဖိုးမရှိတော့သည့် အတွက် ငွေကြေးအစား မြေဝယ် ထား​ကြောင်းသိရသည်။

“ရွာထဲမာ စစ်ပွဲတွေ ဖြစ်ရင် ကိုဝယ်ထားတဲ့ မြေကွက်တွေမှာ ဆင်းနေလို့ရအောင် အဲလိုမျိုးပေါ့ တချို့ကျ ရှိတဲ့ဟာတွေ ရောင်းပြီး ဝယ်ထားတာတွေလဲရှိတယ်”ဟု မြေဝယ်ယူသူ တစ်ဦးက သျှမ်းသံတော်ဆင့်ကိုပြောသည်။

မြေဝယ်ယူမူ များလာခြင်းကြောင့် ဟိုပုံးမြို့ပေါ်ရှိ မြေကွက်စျေးများလည်း နေရာ အမျိုးစားအလိုက် စျေးတက်မူများ ရှိနေပြီး အရင်က ပေါက်စျေး သိန်း ၁၀၀ တန် မြေကွက်ကို ယခု သိန်း ၁၅၀/ ၂၀၀ ခန့် စျေးတက်လားကြောင်း သိရပါသည်။

လက်ရှိတွင် စစ်တပ်အာဏာသိမ်းပြီးနောက်ပိုင်း ၃ နှစ်ကျော်အချိန်တွင် ငွေကြေးတန်းဖိုး သိသိသာသာကျဆင်းနေပြီး ကုန်စျေးနူန်များ စျေးမြင့်တက်ခြင်းနှင့် လောင်စာဆီပြတ်လပ်မူများလဲ ကြုံတွေ့နေရပါသည်။

အလုပ်သင် သတင်းထောက် နန်းလရောင် ရေးသားသည်။