သျှမ်းပြည်တောင်ပိုင်း ညောင်ရွှေမြို့နယ် အင်းလေးဒေသအတွင်း ခရုများ စပါးကို ဝင်ရောက်ဖျက်ဆီးမှုကြောင့် စပါးစိုက်ပျိုးသူများလျော့ကျလာ ကြောင်း စုံစမ်းသိရသည်။
ယခုနှစ်အတွင်းတွင် စပါးစိုက်ပျိုးသည့် အင်းလေးဒေသမှ လယ်သမားများအနေဖြင့် စပါးစတင်စိုက်ပျိုးသည့်
အချိန်တွင် ခရုများလာသဖြင့် ယခင်နှစ်ထက် ပိုးသတ်ဆေးဖြန်းပေးနေရကြောင်း၊ခရုပြဿနာကြောင့် စပါးစိုက်ပျိုးသူများလည်း နည်းပါးလာကြောင်း အင်းလေးဒေသ စပါးစိုက်ပျိုးသူ တစ်ဦး က သျှမ်းသံတော်ဆင့်ကိုပြောသည်။
‘’နှစ်တိုင်း စပါးမစိုက်ခင်နဲ့စိုက်ပျိုးပြီးအချိန်ထိ ခရုတွေလိုက်ကောက်ရတယ် ။ ဆေးဖြန်းပြီးရင်ခရုကောင်တွေ
မရှိတော့ဘူး ။ အခုနှစ်က ခရုတွေ နှစ်ဆတက်တော့ ဆေးလည်း ပိုဖြန်းနေရတယ်။ စပါးပင်တွေ ပျက်စီးလာတယ် ။
အရင်နှစ်လောက်တော့ စပါးမစိုက်ကြတော့ဘူး ‘’ဟု ၎င်းက ပြောသည်။
ထို့အပြင် စစ်ကောင်စီဘက်မှ မိုးဗြဲရေကာတာကို အလွန်အကျွံ ဖွင့်လိုက်မှုကြောင့် အင်းလေးရေလည်း ပိုမြင့်တက်လာကာ စပါးခင်းများလည်း ရေမြှုပ်ကုန်ကြပြီး လက်ရှိတွင် စပါးအစား အခြားသီးနှံတွေ ပိုစိုက်ပျိုးကြသည်ဟု ဒေသခံများက ပြောသည်။
‘’မိုးဗြဲရေကာတာ ဖွင့်လိုက်တော့ ရေပိုကြီးလာတယ် စပါးပင်တွေပါမြှုပ်ကုန်ကြတယ်။ ခုက စပါးအစား တခြားအသီးတွေပဲ ပိုစိုက်ကြတော့တယ်’’ဟု အထက်ပါ ပဂ္ဂိုလ်က ဆက်ပြောသည်။
ထိုခရုပြဿနာကြောင့် အင်းလေးဒေသ စပါးစိုက်ပျိုးသူများအတွက် စားဝတ်နေရေး ပိုကြပ်တည်းလာနိုင်သကဲ့သို လာမည်နှစ်အတွက် ဆန်ရှားပါးမှုများလည်း ရင်ဆိုင်ရနိုင်ကြောင်း အင်းဒေသခံများကပြောသည်။
အင်းလေးဒေသတွင် စပါး ၊ ခရမ်းချဉ်သီး ၊ငရုပ်သီး၊ ဘူးသီး ခရမ်းသီး၊ဂေါ်ဖီထုတ် စသည့်သီးနှံများစိုက်ပျိုးလျှက်ရှိပြီး တိုက်နယ် ပေါင်း (၄၃)ခုရှိကာကျေးရွာပေါင်း (၄၄၄) ရွာရှိသည်။
အလုပ်သင် သတင်းထောက် နန်းဆိုင်ခမ်း ရေးသားသည်။
Leave a Comments