သျှမ်းပြည်နယ်တောင်ပိုင်း၊ဆီဆိုင်မြို့နယ်၊ကုန်းဆွတ်ကျေးရွာအုပ်စု ဟံနျားကျေးရွာတွင် အမျိုးသမီးငယ်တစ်ဦး ဖုန်းကြည့်နေစဉ် မိုးကြိုးပစ်ပြီး သေဆုံးခဲ့ကြောင်း စုံစမ်းသိရသည်။
သြဂုတ်လ ၅ရက်တွင် မိုးကြိုးပစ်ပြီး သေဆုံးခဲ့သူသည် အသက်၁၈နှစ်အရွယ် နန်းရှန်နောင်းဖြစ်ကြောင်း သိရသည်။
“သူက ဖုန်းကြည့်နေချိန်မှာ မိုးကြိုးပစ်တာ ပွဲချင်းပဲ သေသွားတယ်။ ငယ်ငယ်ရွယ်ရွယ်ပဲရှိ
တော့ စိတ်လည်း မကောင်းဘူး”ဟု နီးစပ်သူ တစ်ဦးကသျှမ်းသံတောင်ဆင့်ကိုပြောသည်။
ထို့ကြောင်း မိုးကြီးပြီး လျှပ်စီးလျက်သည့်အချိန် ၊မိုးကြိုးပစ်သည့် အချိန်တွင် ဖုန်းမကြည့်သင့်ကြောင်းလည်း ၎င်းကပြောဆိုသတိပေးထားသည်။
“မိုးကြိုးပစ်တာနဲ့ နဲ့ဖုန်းက ဘယ်လို ဆက်စပ်နေလဲတော့မသိဘူး ။ သတင်းကြားကြားချင်း အရမ်းလန့်မိတယ်။ “ဟု နောက်ဒေသခံတစ်ဦးကပြောသည်။
သေဆုံးသူနန်းရှန်နောင်းကို ယနေ့ သြဂုတ်လ ၆ရက်နေ့ တွင် ကျန်ရှိသူ မိသားစုဝင်များက ပအိုဝ်းရိုးရာအရ အလှူလုပ်ပေးပြီး သဂြိုလ်ခဲ့ကြောင်း သိရသည်။
ပြီးခဲ့သည့် မေလ၂ရက် တွင်လည်း ဟဲဟိုးမြို့ အရှေ့ပိုင်းရပ်ကွက်နေ ဒေါ်တင်အောင်နှင့် ကိုမျိုးထွန်းဖြစ်တို့သားအမိသည် မိုးကြိုးပစ်ခံရပြီး မိခင် ဖြစ်သူသေဆုံးခဲ့သေးကြောင်းသိရသည်
Leave a Comments