စစ်ကောင်စီတပ်မှ လက်လွတ်လိုက်ဆုံးရှုံးခဲ့ရသည့် လားရှိုးမြို့အား လုပ်သင့်လုပ်ထိုက်တာကို ဆောင်ရွက်သွားမည်ဟု စစ်ကောင်စီပြောခွင့်ရ ဗိုလ်ချုပ်ဇော်မင်းထွန်းက ပြောဆိုလိုက်သည်။
အမှတ်တံဆိပ်ကို အစွဲပြုပြီး နေဝင်းနီဟု ထင်းရှားသည့် သျှမ်းပြည်မြောက်ပိုင်း လားရှိုးမြို့အခြေစိုက် အရှေ့တိုင်း စစ်ဌာနချုပ် (ရမခ) တစ်ခုလုံးကို ကိုးကန့်တပ်ဖွဲ့ MNDAA နှင့် တော်လှန်ရေးမဟာမိတ် ပူးပေါင်းတပ်ဖွဲ့များက သြဂုတ် ၃ ရက်တွင် အပြီးသတ်တိုက်ခိုက် သိမ်းပိုက်နိုင်ခဲ့ခြင်း ဖြစ်သည်။
အဆိုပါ ကိစ္စနှင့်ပတ်သက်၍ စစ်ကောင်စီတပ်က လုပ်သင့်လုပ်ထိုက်တာကို ဆက်လက်ဆောင်ရွက်သွားမည်ဟု စစ်ကောင်စီပြောခွင့် ဗိုလ်ချုပ်ဇော်မင်းထွန်းက ယနေ့ သြဂုတ် ၅ ရက်တွင် စစ်ကောင်စီလက်အောက်ခံ မီဒီယာမှတစ်ဆင့် ပြောကြားခဲ့သည်။
“အရှေ့မြောက်တိုင်း စစ်ဌာနချုပ်မှ အရာရှိ စစ်သည် ရဲမေများအားလုံးရဲ့ တိုင်းစစ်ဌာနချုပ် လားရှိုးနယ်မြေ၊ တပ်မတော်နဲ့ အမိနိုင်ငံတောကို တတ်စွမ်းသမျှ ရွပ်ရွပ်ချွန်ချွန် ကာကွယ်ခဲ့တာကို အသိအမှတ်ပြု လေးစားပါတယ်။ နိုင်ငံတောအစိုးရ တပ်မတော်အနေနဲ့ ရဲဘော်တို့အပေါ် ရဲဘော်စိတ်အပြည့်နဲ့ နိုင်ငံတော်နဲ့ပြည်သူအတွက် လုပ်သင့်လုပ်ထိုက်တာကို ဆက်လက်ရွက်ဆောင်သွားမည်ဖြစ်ကြောင်း” ဟု ဗိုလ်ချုပ်ဇော်မင်းထွန်းက ပြောသည်။
ထို့အပြင် အရှေ့မြောက်တိုင်း စစ်ဌာနချုပ်မှ အရာရှိကြီးများနှင့် သြဂုတ် ၃ ရက် ညနေပိုင်းအချိနထိ ဆက်သွယ်မှုရရှိခဲ့ပြီး၊ ယခုအချိန်ထိ ဆက်သွယ်မှုပြတ်တောက်ခဲ့ကြောင်းနှင့် အတည်ပြုချက်အသင်းများအရ အရာရှိကြီးအချို့ကို တော်လှန်းအင်းအားစုတပ်ဖွဲ့များက ဖမ်းဆီးထားကြောင်း ဗိုလ်ချုပ်ဇော်မင်းထွန်းက ပြောသည်။
စစ်ကောင်စီသည် ၎င်းတို့ လက်လွတ်ဆုံးရှုံးလိုက်ရသည့် နယ်မြေများကို လေကြောင်းဖြင့် ပြန်လည် လာရောက်ဗုံးကြဲတိုက်ခိုက်တက်သဖြင့် ထိုဒေသအတွင်း ပြန်နေထိုင်သည့် ပြည်သူများအနေဖြင့် သတိကြီးစွာ နေထိုင်သင့်ကြောင်းလည်း စစ်ရေး လေ့လာသုံးသပ်သူများ ပြောသည်။
အရှေ့မြောက်တိုင်း စစ်ဌာနချုပ် (ရမခ) ကိုတိုက်ခိုက်သိမ်းပိုက်ပြီးနောက် တိုင်းမှူးဟောင်း ဗိုလ်ချုပ်စိုးတင့်၊ စကခ မှူး ဗိုလ်မှူးချုပ်မျိုးမင်းထွေးနှင့် ရမခ တိုင်းစစ်ဦးစီးချုပ် ဗိုလ်မှူးချုပ်သန့်ထင်လင်းတို့ကို ကိုးကန့်တပ်ဖွဲ့ MNDAA က အရှင်ဖမ်းမိထားကြောင်း စစ်ရေးသတင်းရင်းမြစ်က ပြောသည်။
Leave a Comments