သျှမ်းပြည်မြောက်ပိုင်းတိုက်ပွဲ အပစ်ရပ်စဲနိုင်ရန်အတွက် RCSS က သက်ဆိုင်သူများ တွေ့ဆုံဆွေးနွေးရန် တိုက်တွန်းလိုက်သည်။

အဆိုပါ တိုက်တွန်းချက်ကို ဇူလိုင် ၂၆ မှ ၂၈ ရက်နေ့အထိ သျှမ်းပြည်ပြန်လည်ထူထောင်ရေးကောင်စီ RCSS ၏ ၆ လပတ်အစည်းဝေးကို လွိုင်တိုင်းလျန်တွင် ပြုလုပ်ခဲ့ပြီးနောက် ထုတ်ပြန်လာခြင်းဖြစ်သည်။

ထို ထုတ်ပြန်ချက်ထဲတွင် သျှမ်းပြည်မြောက်ပိုင်းတိုက်ပွဲအတွင်း ပြည်သူများ ထိခိုက်နစ်နာမှု များလာသည့် အတွက်ကြောင့် သက်ဆိုင်သည့်အဖွဲ့အစည်းများ မျက်နှာချင်းဆိုင် တွေ့ဆုံဆွေးနွေးပြီး အပစ်ရပ်စဲနိုင်ရေး နှင့် ဖယ်ဒရယ်ဒီမိုကရေစီ တည်ဆောက်နိုင်ဖို့အတွက် ဆွေးနွေးရန် တိုက်တွန်းခဲ့သည်။

ထိုအပြင် သျှမ်းပြည်တောင်ပိုင်းမှာ တည်ငြိမ်အေးချမ်းရေး နဲ့ ပြည်သူ အသက် ၊ အိုးအိမ် ၊ စည်းစိမ်းတွေ ပျက်စီးဆုံးရှုံးမှုမဖြစ်ရန်အတွက် RCSS က ပြည်သူများနှင့် လက်တွဲပြီး ကာကွယ်သွားစောင့်ရှောက်သွားမည် ဟုလည်း ထုတ်ပြန်ထားသည်။

တိုက်ပွဲကြောင့် သျှမ်းပြည်လူထုတို့သည် အိုးအိမ် ပစ္စည်းဥစ္စာများ ပျက်စီး ဆုံးရှုံးရခြင်း၊ သေဆုံးဒဏ်ရာရခြင်း၊ နေရပ်စွန့်ခွာ စစ်ဘေးရှောင်နေရခြင်းများ ကြုံတွေ့ရသည့်အပြင် ကလေးသူငယ်များ၊ အမျိုးသမီးများ၊ သက် ကြီး ရွယ်အိုများတို့သည်လည်း အတိ ဒုက္ခများ၊ အခက်အခဲ များ ကြုံတွေ့နေရသည့်အပေါ် RCSS အနေဖြင့် စိတ်မကောင်းကြောင်း ရေးသားထားသည်။

လက်ရှိအချိန်ထိ သျှမ်းပြည်မြောက်ပိုင်းမှာ စစ်ကောင်စီ နှင့် ညီနောင်မဟာမိတ်တို့ တိုက်ပွဲပြင်းထန်မှုများရှိနေပြီ စစ်ကောင်စီဘက်မှလည်း လေကြောင်းဖြင့် တိုက်ခိုက်နေသည်။

အလားတူ ယမန်နေ့ဇူလိုင် ၂၈ ရက်နေ့တုန်းကလည်း သိန္နီမြို့အတွင်းကို စစ်ကောင်စီက လေကြောင်းဖြင့် ပစ်ခတ်မှုကြောင့် အသက် ၆၀အရွယ်ရှိ အမျိုးသမီးနှင့် အသက် ၄နှစ်အရွယ်ရှိ ယောင်္ကျားလေး သေဆုံခဲ့သည်။

သျှမ်းပြည်မြောက်ပိုင်းအတွင်း ဖြစ်ပွားသည့် တိုက်ပွဲကြောင်း ပြည်သူ ထောင်ချီသည် သျှမ်းပြည်တောင်ပိုင်းသို့ စစ်ဘေးရှောင်ခဲ့ရပြီး စားဝတ်နေရေး ခက်ခဲမှုကြုံတွေ့နေရကြောင်းစစ်ဘေးရှောင်ကူညီနေသူများက ပြောသည်။

စစ်တပ်က အာဏာသိမ်းပြီ ၃ နှစ် ကာလအတွင်းမှာ တိုင်းပြည်အနှံ တိုက်ပွဲအဆက်မပြတ်ဖြစ်ပွားခြင်း ၊ စီးပွားရေးကျဆင်းခြင်း ၊ လူ့အခွင့်ရေးချိုးဖောက်မှုတွေ များပြားလာခြင်း၊ တရားဥပဒေ စိုးမိုးမှုအားနည်းလာပြီး သူခိုး ၊ ဓားပြများပေါများလာကြောင်း RCSS ထုတ်ပြန်ချက်တွင်ရေးသားထားသည်။