သျှမ်းပြည်နယ်တောင်ပိုင်း၊ဆီဆိုင်မြို့နယ်၊နားခိုက်ရွာသားသုံးဦးကို တော်လှန်ရေးအဖွဲ့နှင့်ပက်သက်သည်ဟု ပအိုဝ်းပြည်သူ့စစ်က စွပ်စွဲဖမ်းဆီးပြီးနောက် ပစ်သတ်သွားခဲ့ကြောင်း သတင်းရရှိသည်။
ယမန်နေ့ (ဇူလိုင် ၆)ရက် နံနက် ၉နာရီအချိန်တွင် ပအိုဝ်းပြည်သူ့စစ် (PNO) သည် စစ်ကြောင်းထိုး ဝင်ရောက်လာပြီးနောက် ရွာသားများကိုလည်း ရိုက်နှက်ပြီး ရွာသားနေအိမ်၈လုံးကိုလည်း မီးရှို့ဖျတ်ဆီးခဲ့ကြောင်း ပအိုဝ်းအမျိုးသားလွတ်မြောက်ရေးတပ်မတော် (PNLA) မှ ပြောရေးဆိုခွင့်ရှိသူ ခွန်ရိန်းယံ က သျှမ်းသံတော်ဆင့်ကိုပြောသည်။
” ပြည်သူ့စစ်ဆိုတာက လူမျိုးကို ကိုယ်းစားမပြုသလို လူမျိုးစုရဲ့ အမျိုးသားတပ်ဖွဲ့လည်းမဟုတ်ပါဘူးစစ်ကောင်စီလက်အောက်ခံ PNOပြည်သူ့စစ်ဟာ စစ်ကောင်စီအလိုကျ ပအိုဝ်းပြည်သူကို သတ်ဖြတ်နေတာဖြစ်ပါတယ်။”ဟု ပ ခွန်ရိန်းယံက ဆိုသည်။
PNO သတ်ဖြတ်လိုကသည့် အရပ်သား၃ဦးမှာ ခွန်တမျို့၊ခွန်ခင်နှင့် အမည်မသိအမျိုးသားတစ်ဦးတို့ဖြစ်ကြောင်းသိရသည်။
ထို့အပြင် ကျေးရွာထဲ ရွာသားကားတစ်စီးကိုမီးရှို့ဖျတ်စီးခဲ့ပြီး ရွာသားဆိုင်ကယ်၂၆စီးကိုလည်း သိမ်းယူသွားခဲ့ကြောင်း သိရသည်။
စစ်ကောင်စီလက်အောက်ခံ PNO ပြည်သူ့စစ်သည် ပြီးခဲ့သည့် ဇူလိုင်လ ၃ ရက်တွင်လည်း နားခိုက်ကျေးရွာအနီး ထမ်းယံတိုင်ကျေးရွာနေ ခွန်တငွေကို ပစ်သတ်ခဲ့ပြီး ခွန်ငွေ၏မိတ်ဆွေ ခွန်မောင်ပေးကို ဖမ်းဆီးသွားခဲ့သေးကြောင်းသိရသည်။
နားခိုက်ကျေးရွာသည် ပအိုဝ်းအမျိုးသားလွှတ်မြှောက်ရေးတပ်မတော် PNLA စစ်ဦးစီးချုပ်ဇာတိရွာလည်း ဖြစ်ကြောင်း သိရသည်။
Leave a Comments