တန့်ယန်း-မိုင်းရယ်ကားလမ်းကို တော်လှန်ရေးအင်းအားများက ဖြတ်တောက်ထားဟု သတင်းအမှားဖြန့်နေ

သျှမ်းပြည် တန့်ယန်း-မိုင်းရယ်ကြား ကားလမ်းကို လက်နက်ကိုင် တော်လှန်ရေးအင်းအားစုများက ဖြတ်ထောက်ထားတယ်လို့ ဖြန့်ချိနေပါတယ်။

စစ်ကောင်စီကို ထောက်ခံတဲ့ ဝါဒဖြန့်တယ်လီဂရမ်ချယ်နယ် မှိုင်းဝေချယ်ကနေ ဖြန့်ချိခဲ့ပြီး
“တန့်ယန်း-မိုင်းရယ် ကြားကားလမ်းကို အကြမ်းဖက်သမားများ ဖြတ်ထောက်ထား” (မူရင်းအတိုင်း) ဟုဆိုကာ ဓာတ်ပုံအချို့ဖြင့် ဖြန့်ချိနေတာပါ။

ထိုသတင်းမှားကို ကြည့်ရှု့သူပေါင်း ၃၈,၀၀၀ ကျော်ရှိပြီး အခြားဝါဒဖြန့်တယ်လီဂရမ်ချယ်နယ်များကလည်း ထပ်ဆင့်ဖော်ပြတားတာကို တွေ့ရပါတယ်။

မူရင်းလင့်ခ် – https://archive.ph/sazkL

စစ်ဆေးခြင်း

သျှမ်းသံတော်ဆင့် အချက်အလက်စစ်ဆေးသူများအနေဖြင့် ထိုအကြောင်းအရာကို စစ်ဆေးကြည့်တဲ့အခါ တွဲဖက်ဖြန့်ချိနေတဲ့ ဓာတ်ပုံနဲ့ အကြောင်းအရာက မှားယွင်းနေတာကို တွေ့ရပါတယ်။

ဝါဒဖြန့်တယ်လီဂရမ်ချယ်နယ်က ဖော်ပြထားသော ဓာတ်ပုံဟာ တန့်ယန်း-မိုင်းရယ်ကြား ကားလမ်းမဟုတ်ဘဲ တန့်ယန်းမြို့နယ် မန်ကတ်-မန်နောင်ကြားက ကားလမ်းဖြစ်ပါတယ်။

ဆက်စပ်ဖတ်ရှု့ရန် သတင်းလင့်ခ် – https://shorturl.at/NSrOU

သျှမ်းမြောက် ဒေသတွင်း သတင်းဌာနရဲ့ ဖော်ပြချက်အရ စစ်ကောင်စီတပ်ဟာ လားရှိုး-သီပေါ၊ လားရှိုး-နမ္မတူ၊ လားရှိုး-မိုင်းယော်၊ လားရှိုး-သိန္နီ၊ လာရှိုး-တန့်ယန်း စတဲ့လမ်းအဝင်အထွက်တွေကို ပိတ်ထားတာဖြစ်ပြီး လားရှိုး-တန့်ယန်းသွားတဲ့လမ်းကိုလည်း မြောင်းတူးဖျက်ဆီးထားတယ်လို့ ဖော်ပြထားပါတယ်။

သတင်းလင့်ခ် – https://shorturl.at/lbIf5

တန့်ယန်းမြို့နယ် ဒေသခံတစ်ဦးက “တန့်ယန်း-မိုင်းရယ်ကြား ကားလမ်းမဟုတ်ဘူး။ မိုင်းရယ်-တန့်ယန်းလမ်းပိုင်းက အခုထိသွားလာကြပါတယ်။ အခုပိတ်ထာက မန်ကတ်ကနေ မန်နောင်၊ မိုင်းတွမ်းဘက်သွားတဲ့လမ်းပါ” ဟု ပြောသည်။

ထို့အပြင် စစ်ကောင်စီဝါဒဖြန့်ချယ်နယ်အချင်းချင်းကြားမှာပင် အဲ့ဒီလမ်းဟာ တန့်ယန်း-မိုင်းရယ် လမ်းမဟုတ်ဘဲ ဖြတ်တောက်ထား အချိန်ကာလစ်ခုရှိကြောင်း ဖြန့်ချိမှုရှိနေပါတယ်။

ထို့ကြောင့် တော်လှန်ရေး အင်အားစုများက ကားလမ်းအား ဖြတ်တော်ထားသလို တွဲဖက်ဖြန့်ချိနေတဲ့ ဓာတ်ပုံနဲ့ အကြောင်းအရာဟာ မှားယွင်းနေပါတယ်။

မြန်မာနိုင်ငံနေရာအနှံ့ ခုခံတွန်းလှံစစ်ကို ခံနေရတဲ့စစ်ကောင်စီတပ်ဟာ တစ်ဖက်မှာအသာစီး ရဖို့အတွက် ဆိုရှယ်မီဒီယာတွေအသုံးပြုပြီး အတင်းအမှားတွေ ဖြန့်ချိနေတာရှိသလို တိုင်းရင်းသား လက်နက်ကိုင်အဖွဲ့အချင်းချင်းကြား၊ တိုင်းရင်းသားလူမျိုး တစ်စုနှင့် တစ်စုအကြား၊ တော်လှန်အင်အားစုနှင့် ပြည်သူများအကြားမှာ စစ်ကောင်စီဝါဒဖြန့်ချယ်နယ်တွေက အမြဲသလို သွေးထိုးလှုံ့ဆော်နေလျက်ရှိပါတယ်။

သျှမ်းသံတော်ဆင့် စာဖတ်ပရိတ်သတ်တွေအနေနဲ့ လူမှုကွန်ရက် စာမျက်နှာတွေမှာ ဖော်ပြနေတဲ့ သတင်းတွေကို ချက်ချင်းမယုံကြည်ဘဲ စိတ်ချရသော သတင်းမီဒီတွေမှာ သွားရောက်ဖတ်ရှု့ကြဖို့ တိုက်တွန်းပါတယ်။

သတင်းတု၊ သတင်းမှားဟု ယူဆရတဲ့ သတင်းတွေကိုလည်း သျှမ်းသံတော်ဆင့် လူမှုကွန်ရက်စာမျက်နှာ (SHAN Burmese Vision ) Facebook Chat Box ကနေဆစ်ဆင့် သတင်းရဲ့ လင့်ခ် (သို့မဟုတ်) Screen Short ပုံပေးပို့ခြင်းဖြင့် စစ်ဆေးနိုင်ပါတယ်။