အာဏာသိမ်း စစ်ကောင်စီ ဘက်ကတောင်းဆိုလာသည့်အတွက်ကြောင့် စီအိုင် (CI) စင်တာအားလုံးကို အပြီးပိတ်သိမ်းတော့မည်ဟု ထိုင်းအလုပ်သမားဝန်းကြီးဌာနကကြေညာလိုက်သည်။
ပြီးခဲ့သည့် ဇွန်လ ၂၈ ရက်တွင် ကြေညာခဲ့ပြီး စီအိုင်စတင်အားလုံးကို လာမည့် ဇူလိုင် ၇ ရက်မှာ အပြီးပိတ်သိမ်းတော့မည်ဟု ထုတ်ပြန်ချက်တွင်ရေးသားဖော်ပြထားသည်။
“ဟုတ်တယ်။ စီအိုင်စင်တာတွေက ပိတ်တော့မယ်။ ဒီတစ်ပတ်သောကြာနေ့အထိဘဲ ဖွင့်တော့မယ်။ ဘာလို့ဆို လာလုပ်တဲ့သူတွေလည်း သိပ်မရှိတော့လို့၊ မလုပ်ရသေးတဲ့သူတွေလည်း အမြန်သွားလုပ်ဖို့ ပြောချင်ပါတယ်” ဟု မြန်မာရွှေ့ပြောင်းအလုပ်သမားများကို ပတ်စပိုစ့်လုပ်ကိုင်ပေးနေသူ စိုင်းစိုင်းကပြောသည်။
ထိုင်းနိုင်ငံရောက် မြန်မာရွှေ့ပြောင်းအလုပ်သမားများအတွက် မည်သူမည်ဝါဖြစ်ကြောင်း အထောက်အထားစီအိုင်(CI)ကတ်ကို ထုတ်ပေးရန် ပြီးခဲ့သည့် အောက်တိုဘာလ ၃ ရက်က မြန်မာ-ထိုင်း နှစ်နိုင်ငံပူးပေါင်းပြီး စီအိုင်စင်တာ (၈) နေရာဖွင့်လှစ်ပေးခဲ့ခြင်း ဖြစ်သည်။
လက်ရှိတွင် အာဏာသိမ်းစစ်ကောင်စီဘက်မှ တောင်းဆိုလာသည့်အတွက်ကြောင့် စီအိုင်စင်တာများအားလုံး အပြီးပိတ်သိမ်းရတော့မည်ဟု ထိုင်းအလုပ်သမားဝန်ကြီးကြေညာကကြေညာထားသည်။
“အခုလိုပိတ်လိုက်တော့ လုပ်ချင်တဲ့သူတွေအတွက် လုပ်လို့မရတော့တာပေါ့။ သူတို့ပြန်ဖွင့်တဲ့အချိန်ကျမှဘဲ လုပ်လို့ရတော့မှာပေါ့” ဟု စိုင်းစိုင်ကထပ်လောင်းပြောသည်။
ထိုကြောင့် စီအိုင်အထောက်အထား မလုပ်ရသေးသည့် မြန်မာရွှေ့ပြောင်းအလုပ်သမားများ၊ စီအိုင်အထောက်အထားလုပ်ရန် Seven Eleven 7 ကောင်တာများတွင် မှတ်ပုံတင်စားရင်းသွင်းထားပြီးသူများ အမြန်သွားရောက်လုပ်ကိုင်ကြရန် မြန်မာလုပ်သားများအရေး ဆောင်ရွက်နေသည့် လူမှုအဖွဲ့အစည်းများက တိုက်တွန်းထားသည်။
Leave a Comments