ညောင်ရွှေမြို့နယ် စံကားဒေသ လုံကန်ရွာ အနီးရှိ နမ်းဟူးရွာလမ်ဆုံတွင်ရှိသောလမ်းဆုံတွင်ရှိသော ဦးခွန်ဇော့ ဦးဆောင်သည့် ပအိုဝ်းပြည်သူ့စစ်ဂိတ်ကို ဒေသခံပြည်သူ့ကာကွယ်ရေးတပ်များက ဇွန် ၁၅ရက် နံနက် ၈နဦရီတွင် သွားရောက်တိုက်ခိုက်ခဲ့ပြီး PNOပြည်သူ့စစ် စစ်သားသုံးဦးသေဆုံးခဲ့ကြောင်း တိုက်ပွဲတွင်ပါဝင်ခဲ့သည့် ရဲဘော်တစ်ဦးက သျှမ်းသံတော်ဆင့်ကိုပြောသည်။
ထိုတိုက်ပွဲအတွင်း သေဆုံးသွားသော စစ်သားသုံးဦးထံမှ သေနတ်အရှည်သုံးလက်၊သေနတ်တိုတစ်လက်နှင့် တစ်ခြားဆက်စပ်ပစ္စည်း များလည်း ဒေသခံ ပြည်သူ့ကာကွယ်ရေး တပ် သားများက သိမ်းဆည်းရမိခဲ့သည်။
“အဲဂိတ်က အရမ်းဆိုးတယ်။ဖြတ်သန်းသွာလာနေတဲ့ပြည်သူကို ငွေညှစ်တာ ၊ရစ်တာဟောက်တာအရမ်းလုပ်တယ်။ ပြည်သူတွေ တိုင်လာတာလည်း များပြီး အဲဒါကြောင့် လာရောက်တိုက်ခိုက်တာဖြစ်တယ်”ဟု ပါဝင်တိုက်ခိုက်ခဲ့သည့် ရဲဘော်တစ်ဦးက သျှမ်းသံတော်ဆင့်ကိုပြောသည်။
သေဆုံးသွားသောစစ်သားသုံးဦးအလောင်းကိုလည်း PNOတပ်သားများက လာရောက် ကောက်ယူခြင်းမရှိဘဲ ထီကာရွာနှင့် နမ်းဟူးရွာဒေသခံများက ကောက်ယူပေးရကြောင်း သိရသည်။
“ရွာသားတွေသွားကောက်ပေးရတယ်။သေဆုံးသွားတဲ့PNOတပ်သားသုံးဦးထဲမှာမှ ခွန်စိုးမင်းက ၁၅ရက်စစ်သင်တန်းတက်ထားတဲ့ သူဖြစ်တယ်။သေဆုံးသူတွေကိုPNOတာဝန်ရှိသူတွေက ခုထိလာမကြည့်သေးပါဘူး”လို့ ထီကာရွာ အမျိုးသားတစ်ဦးက ပြောသည်။
ယင်းဂိတ်သည် သွားလာဖြတ်သွားသော ပြည်သူများ၏ ပစ္စည်းများသိမ်းယူခြင်းငွေကြေးအတင်းအဓမ္မတောင်းခံခြင်း၊ဖယ်ခုံ ၊ မိုးဗြဲ လွိုင်ကော်ဖက်မှစစ်ဘေးရှောင်များထံ ငွေညှစ်ခြင်း၊ တံငါးသည်များအားငွေတာင်းခံခြင်း ၊ မိုးဦးရွာတွင်ကုန်ကားတစ်စီးလျှင် ၁၀သိန်းအထိဒါဏ်ရိုက်ခြင်းများပြုလုပ်နေကြောင်းသိရသည်။
