Sunday, July 21, 2024

ဟိုပုံးမြို့ရောက် ဆီဆိုင်စစ်ရှောင်ကလေးများ ကျောင်းပြောင်းလက်မှတ်မရှိ ကျပ်ငွေ ၆သောင်းထိပေးရ

Must read

ဟိုပုံးမြို့သို့ စစ်ဘေးတိမ်းရှောင်လာသော ဆီဆိုင်မြို့နယ် စစ်ရှောင် ကလေးငယ်များ ကျောင်းတက်ရန်အတွက် ကျောင်းပြောင်းလက်မှတ်မရှိလျှင် ငွေကျပ် ၆သောင်းထိ ပေးဆောင်ရကြောင်း စုံစမ်းသိရသည်။

ဟိုပုံးမြို့နယ်တွင် ၂၀၂၄ – ၂၀၂၅ ပညာသင်နှစ်အတွက် မေလ ၂၃ ရက်မှ စ၍ ကျောင်းအပ်ရန် လက်ခံနေပြီး ဆီဆိုင်မြို့နယ် မှ ထွက်ပြေးလာသော စစ်ရှောင် ကလေးများသည် ကျောင်းပြောင်းလက်မှတ်မရှိသည့်အတွက် ကျပ်ငွေ ၂သောင်းမှ ကျပ်ပေး၆သောင်းထိပေးဆောင်နေရကြောင်း ဟိုပုံးမြို့ရောက် စစ်ရှောင် အမျိုးသားတစ်ဦး သျှမ်းသံတော်ဆင့် ကိုပြောသည်။

“တချို့တွေက ညှိရတာရှိတယ်။ ကျောင်းက လက်ခံတဲ့ဆရာမတွေက ကျောင်းသား ကျောင်းပြောင်း လက်မှတ် ကျောင်းဝင်ခွင့်လက်မှတ် မရှိရင် ပိုက်ဆံပေးရတယ်တဲ့။တစ်ယောက်ကို ၂ သောင်းကျပ်ကနေ ၆ သောင်းကျပ် ထိရှိတယ်။တချို့မတက်နိုင်တဲ့လူတွေကတော့ ကျောင်းမတက်ရဘူးပေါ့။ ဆီဆိုင်မှာ လက်မှတ်ပြန် ယူရအောင် အဆင်မှမပြေကြတာ။”ဟု ၎င်းကပြောသည်။

ဟိုပုံးမြို့ရောက် ဆီဆိုင်စစ်ဘေးရှောင်များသည် လက်ရှိမှဦ စားနပ်ရိက္ခာအတွက် အလှူရှင်ခက်ခဲနေချိန် နေ့စားအလုပ်လည်း အဆင်မပြေသည့်ကြား ပညာရေးဝန်ထမ်းများက ငွေညှစ်တောင်းဆိုမှုကြောင့် ကျောင်းမတက်ရသည့် စစ်ဘေးရှောင် ကလေးငယ် အများကြီးရှိနေကြောင်း သိရသည်။

“ တိုက်ပွဲဖြစ်လို့ ထွက်ပြေးလာရတာလေ။ အရေးပေါ်ပြေးရတော့ ကျောင်းပြောင်းလက်မှတ်ဘယ်လိုရှိမှာလဲ။ အလုပ်မရှိဝင်ငွေမရှိ ဆရာမတွေကလည်း ငွေညစ်တော့ ကလေးတွေ ကျောင်းတက်ဖို့ခက်တာပေါ့။ ကျနော်တို့ ကလေးတွေက ကျောင်းတက်ခွင့်မရဘူး။ ရေရှည်ဒီလိုဖြစ်ရင်တော့ ကလေးတွေ စာမတက်တဲ့သူဖြစ်မယ်” ဟု ဆီဆိုင်မြို့မှ ဒေသခံ အမျိုးသား တစ်ဦးက ပြောသည်။

၂၀၂၄-၂၀၂၅ ပညာသင်နှစ်အတွက် မေလ ၂၃ ရက်မှ ဇွန်လ ၂ ရက်အထိ ကျောင်းအပ် လက်ခံသွားမယ် ဟုသိရပြီး စစ်ကောင်စီမှ ကြေညာထားပြီး စစ်ကောင်စီ လက်အောက်ခံ ပညာရေး ဖြစ်သည့်အတွက် စစ်တပ်မှ လုံခြုံရေး လုပ်ပေးတဲ့ စာသင်ကျောင်းတချို့လည်း ရှိနေကြောင်း သိရသည်။

Leave a Comments

- Advertisement -spot_img

Latest article