နောင်ချိုမြို့နယ်အတွင်းတွင် နေ့စဉ်နီးပါး တိုက်ပွဲများဖြစ်ပွားနေပြီ စစ်ကောင်စီမှ လက်နက်ကြီး လေကြောင်းဖြင့် ပစ်ခတ်မှုကြောင့် ပြည်သူများစိုးရိမ်နေရကြောင်း စုံစမ်းသိရသည်။
နောင်ချိုမြို့နယ် သရက်ကုန်းကျေးရွာနှင့် အနီးဝန်းကျင်များတွင် ဧပြီလ ၂၁ ရက်မှစ၍ နေစဉ်နီးပါး စစ်ကောင်စီ နှင့် မန္တလေး ပြည်သူ့ကာကွယ်ရေးတပ်ဖွဲ့ (MDY-PDF)တို့ တိုက်ပွဲများဖြစ်ပွားနေပြီး စစ်ကောင်စီမှ လက်နက်ကြီးများ၊ လေကြောင်းဖြင့် ပစ်ခတ်မှုများကြောင့် ပြည်သူများစိုးရိမ်နေရကြောင်း အသက် ၄၀ ဝန်းကျင် ဒေသခံအမျိုးသားတစ်ဦးက သျှမ်းသံတော်ဆင့်ကို ပြောသည်။
“တိုက်ပွဲ ကတော့ နေ့တိုင်း ဖြစ်နေတာ။ မနေ့ကလည်း နေ့တပိုင်းထိ ပစ်သံတွေကြားနေရတာ။လေယာဉ်တွေနဲ့ ဂျက်ဖိုက်တာနဲ့ ပါပစ်တာ။တိုက်ပွဲဖြစ်တဲ့နားတဝိုက် ဘယ်သူမှလည်းမသွားရဲကြဘူး။ အိပ်ရင်လည်း အမြဲသတိ ထားနေရတယ်။ ကျနော်နေတဲ့ နေရာနဲ့ ၁၀ မိုင်လောက်ပဲဝေးတာကို။ တချို့တွေလည်း ကလေးနဲ့ လူကြီးတွေကို အရင်ရှောင်ခိုင်း နေပါပြီ”ဟု အသက် ၄၀ ဝန်းကျင် အမျိုးသားတစ်းက ပြောသည်။
လက်ရှိတွင် နောင်ချိုမြို့နယ်အတွင်းရှိ စစ်ဘေးရှောင်များမှာ ပြည်ထောင်စုလမ်းမကြီး အရှေ့ဘက်ရှိ ဘန့်ဘွေးဘုန်းကြီးကျောင်း၊အင်းဝိုင်းဘုန်းကြီးကျောင်း၊ကုန်းလုံဘုန်းကြီးကျောင်း နှင့် ဆွေမျိုးများအိမ် တွင် ခိုလှုံနေရပြီး ဝက်ဝံ၊ ခြေမြစ်ပင်၊ သဲသိုက်နှင့် အခြားကျေးရွာများသို့ စုစုပေါင်း ၃၀၀၀ ကျော် ထွက်ပြေးတိမ်းရှောင်နေရကြောင်း သိရသည်။
Leave a Comments