သျှမ်းပြည် ရွာငံမြို့နယ်တွင် မြင်းကျဒိုး ရဲစခန်းကို ဂျိုးဖြူအဖွဲ့ က ယနေ့ (ဧပြီ ၂၁)ရက် နံနက်၁၀နာရီတွင် ဝင်ရောက် ပစ်ခတ်သိမ်းပိုက်ခဲ့ပြီး စစ်ကောင်စီဘက်မှ ၃ ဦးထပ်မနည်း သေဆုံးကြောင်း စုံစမ်းသိရသည်။
သျှမ်းပြည် ရွာငံမြို့နယ်တွင် မြင်းကျဒိုးရွာရှိ ရဲစခန်းကို ဂျိူးဖြူအဖွဲ့မှ ယနေ့ ဧပြီလ ၂၁ ရက် နံနက် ၁၀ နာရီဝန်းကျင်ခန့် တွင် ဝင်ရောက်ပစ်ခတ် တိုက်ခိုက်ခဲ့ပြီး စစ်ကောင်စီဘက်မှ တပ်သား ၃ ဦးထပ်မနည်းသေဆုံးခဲ့ကာ၊ အမျိုးသားတစ်ဦးနှင့် အတူ လက်နက်များ သိမ်းပိုက်နိုင်ခဲ့ကြောင်း ဂျိုးဖြူအဖွဲ့ တာဝန်ရှိသူ တစ်ဦးက သျှမ်းသံတော်ဆင့်ကို ပြောသည်။
“ဒီနေ့ မနက် မှာ တိုက်ပွဲဖြစ်သွားတာပေါ့။၄၅ မိနစ်လောက်တော့ ကြာသွားတယ်။စခန်ထဲမှာတော့ ၃၀ လောက်ပဲရှိတာ။၃ ယောက်ကသေတယ်။ကျန်တာတွေကတော့ ထိခိုက်တာတွေရှိတယ်။ ကျန်တာတွေက ထွက်ပြေးသွားတယ်။ တယောက်ကတော့ ဖမ်းမိတယ်။သေနတ် နှစ်လက်နဲ့ ကျည် ၃၀၀ လောက်သိမ်း မိထားတယ်။” ဟု ဂျိူးဖြူအဖွဲ့ တာဝန်ရှိသူတစ်ဦက ဆက်ပြောသည်။
ထိုပြင် ဂျိူးဖြူအဖွဲ့မှ ကားနှစ်စီးဖြင့်ဝင်ရောက် တိုက်ခိုက်သိမ်းပိုက်ခဲ့ပြီး ရဲဘော်တစ်ဦး ဒဏ်ရာရရှိခဲ့ကြောင်း သိရသည်။
မြင်းကျဒိုးရွာသည် ရွာငံ-မန္တလေး ပြည်တောင်စု ကားလမ်းမ ပေါ်တွင်ရှိပြီး ရွာငံမြို့နှင့် ၁၈ မိုင်ခန့်သာဝေးကြောင်း သိရသည်။
