ကရင်နီပြည် (ကယားပြည်) တွင် အာဏသိမ်းပြီး ကာလ ၃ နှစ်ကျော် အတွင်း တော်လှန်ရေးတပ်ဖွဲ့ဝင် ၅၀၀ ကျော်ကျဆုံးခဲ့ ပြီး အရပ်သား ပြည်သူ သေဆုံးမှု ၄၀၀ကျော် ထိရှိနေကြောင်း သိရသည်။
သျှမ်း-ကရင်နီနယ်စပ် အပါအဝင် ၊ ကရင်နီပြည်အတွင်းတွင် ၂၀၂၁ ခုနှစ် မှ စ၍ ယခု ၂၀၂၄ ဧပြီလ အထိ ၃ နှစ်ကျော် ကာလအတွင်း ကျဆုံးခဲ့သည့် တော်လှန်ရေးတပ်ဖွဲ့ဝင် ၅၁၅ ဦးရှိခဲ့ပြီး သေဆုံးသွားသော အရပ်သား ပြည်သူမှာလည်း ၄၈၁ ထိရှိနေကြောင်း တိုးတက်သောကရင်နီပြည်သူ့အင်အားစု (PKPF) မှ ထုတ်ပြန်ခဲ့သည်။
ထိုကျဆုံးခဲ့သော တော်လှန်ရေးတပ်ဖွဲ့ဝင် ၅၁၅ ဦးသည် ကရင်နီအမျိုးသားများကာကွယ်ရေးတပ် (KNDF)၊ ကရင်နီပြည်တပ်မတော်(KA)၊ ပြည်သူ့ကာကွယ်ရေးတပ် (PDF) အဖွဲ့တွေဖြစ်ကြောင်း ရေးသား ဖော်ပြထားသည်။
တိုက်ပွဲဖြစ်ပွားသည့် ၁,၀၄၁ ကြိမ်အတွင်း စစ်ကောင်စီမှ လေကြောင်းတိုက်ခိုက်မှု ၁,၄၀၄ ကြိမ် ပစ်ခတ်အသုံး ပြုခဲ့ပြီး ပျက်စီးသွားသည့် နေအိမ်မှာလည်း ၂,၄၁၅ အိမ်၊ဘာသာရေးအဆောက်အုံးပျက်စီးခံမှု (၄၉)လုံး၊ပျက်စီးသွားသော ဆေးရုံ၊ဆေးခန်းများ (၁၅)လုံး၊ပျက်စီးသွား စာသင်ကျောင်းများ (၂၂)လုံး ရှိကြောင်း တိုးတက်သောကရင်နီပြည်သူ့အင်အားစု (PKPF) မှ ဧပြီလ ၁ ရက်တွင်ထုတ်ပြန်ခဲ့သည်။
၁၁.၁၁ စစ်ဆင်ရေး နှင့် တိုက်ပွဲများကြောင့် သျှမ်း-ကရင်နီ နယ်စပ်တကြော နှင့် ကရင်နီစစ်ဘေးရှောင်များ၊ ဆီဆိုင်မြို့နယ်မှ ထွက်ပြေးသူများသည် အောင်ပန်းမြို့နယ်ရှိ ဘုန်းကြီးကျောင်းများ၊ဆွေမျိုးအိမ်များသို့ လာရောက် စစ်ဘေးရှောင်နေသူလူဦးရေ ၂၀၀၀ ခန့်ရှိနေကြောင်း သိရသည်။
ကရင်နီပြည်မှ သျှမ်းပြည် “၁၁.၁၁ စစ်ဆင်ရေး”ကြောင့် ၂၀၂၃ နိုဝင်ဘာလ ၁၅ ရက်မှစတင်ထွက်ပြေးလာပြီး၊ လက်ရှိမှာ သျှမ်းပြည် တောင်ကြီး၊အောင်ပန်း၊ညောင်ရွှေ၊ဆီဆိုင် စသည့်များရှိ ဘုန်းကြီးကျောင်းများနှင့် ဆွေမျိုးအိမ်များသို့ လာရောက် စစ်ဘေးရှောင်နေကြကြောင်း သိရသည်။