Sunday, May 26, 2024

ရှင်လောင်းပွဲတွင်ဖွင့်လှစ်သည့် လောင်းကစားဝိုင်းဝင်ရောက်စီးနင်းခံရပြီး အမျိုးသား ၂ဦးသေ ၆ဦး ဖမ်းခံရ

Must read

သျှမ်းပြည် ပင်းတယမြို့နယ်ရှိ ရှင်လောင်းပွဲအတွင်းတွင် ဖွင့်လှစ်ထားသော လောင်းကစားဝိုင်းဝင်ရောက်စီးနင်းခံရပြီး အမျိုးသား၂ ဦးသေဆုံးပြီး ၆ ဦးဖမ်းဆီးခံရကြောင်း စုံစမ်းသိရသည်။

သျှမ်းပြည် ပင်းတယမြို့နယ် ပန်းစစ်ကျေးရွာတွင် ဧပြီလ ၁ ရက် နံနက် ၂ နာရီဝန်းကျင်တွင် စစ်ကောင်စီနှင့် ပအိုဝ်းပြည်သူ့ စစ် PNO တို့သည် ကားနှစ်စီး လူ ၂၀ ယောက်ခန့်ဖြင့် ရှင်လောင်းပွဲတွင်ဖွင့်လှစ်ထားသော လောင်းကစားဝိုင်း တစ်ခုကို ဝင်ရောက်စီးနင်း ပစ်ခတ်ပြီး အမျိုးသား နှစ်ဦး သေဆုံးကာ အမျိုးသမီးတစ်ဦး နှင့် အမျိုးသား ၅ ဦးကို ဖမ်းဆီးခံရကြောင်း‌ ဒေသခံများက သျှမ်းသံတောင်ဆင့်ကို ပြောသည်။

“အဲ့ပစ်ဒဏ်ခံရတဲ့လူက မနေ့ကပဲ သင်္ဂြိုဟ်ပေးလိုက်တာ။ပန်းစစ်ရွာမှ ရှင်‌လောင်းပွဲလုပ်တာ။အဲ့နောက်ဆုံးရက်မှာ ကြတော့ လောင်းကစားဝိုင်ရှိတယ်။သူတို့က ပေးလုပ်ပြီး သူတို့က ပြန်ဝင်ဖမ်းတာ။အဲ့မှာ ၆ ယောက်မိတယ် ၁ယောက်က မိန်းကလေး၊နှစ်ယောက်က ထွက်ပြေးတော့ သူတို့က ပစ်သတ်တာ။”ဟု အသက် ၃၅ ဝန်းကျင်ခန့် အမျိုးသားတစ်ဦးက ပြောသည်။

ထိုလောင်းကစားဝိုင်းတွင် ထွက်ပြေးရာမှ ပစ်သတ်ခံရသော အမျိုးသားနှစ်ဦးသည် အသက် ၃၆ ကိုဝင်းနိုင်၊ ပန်းစစ်ကျေးရွာ တွင် နေထိုင်သူဖြစ်ပြီး၊ အသက် ၆၀ ဦးကြီးဖေသည် မဲနယ်တောင်ကျေးရွာဥက္ကဌဟောင်း ဖြစ်ကြောင်း ၎င်းက ပြောသည်။

ထိုလောင်းကစားဝိုင်းကို စစ်ကောင်စီမှ ပြုလုပ်ရန်ခွင့်ပြုထားကြောင်း ‌ဒေသခံများက ပြောသည်

Leave a Comments

- Advertisement -spot_img

Latest article