သျှမ်းပြည် မိုင်းရှူးမြို့နယ်တွင် စစ်ကောင်စီ စစ်ဆေးရေး ဂိတ်တွင် စစ်ဆေးမှုတင်းကြပ်ကား ညဖြတ်သန်းခွင့် မပြု ကြောင်း စုံစမ်းသိရသည်။
သျှမ်းပြည် မိုင်းရှူးမြို့နယ်တွင် ပြီးခဲ့သည့် ဇန်နဝါရီလ မှ စ၍ မြို့ အဝင်၊အထွက် စစ်ဆေးဂိတ်တွင် စစ်ဆေးမှု တင်းကြပ်ကာ ည ၆နာရီမှ မနက် ၆ နာရီထိ ကားကြီး၊ငယ် ဆိုင်ကယ်များကို ဖြတ်သန်းသွားလာခွင့် မပြုကြောင်း ဒေသခံ အမျိုးသမီးတစ်ဦးက သျှမ်းသံတော်ဆင့်ကို ပြောသည်။
“မြို့အဝင်အထွက်လည်းသွားလာရခက်တယ် ည ၆ နာရီဆို သူတို့ ပိတ်ပြီ။ဘာပဲ ဖြစ်နေ ဖြစ်နေ မဖွင့်ပေးဘူး။ ကားသမားတွေတောင် အပြင်မှာပဲ အိပ်ရတာ။ဆိုင်ကယ်ဆိုသူတို့ ရှေ့ဖြတ်မောင်းလို့မရဘူး။ဆင်းပြီး လမ်းလျှောက်ပြီး တွန်းခိုင်းတာ။ကားရောပဲ ကားဆရာပဲမဆင်းရတာ ပါလာတဲ့လူက ဆင်းပြီး ဂိတ်ကျော်မှ ပြန်တက်ရတာ” ဟု ၎င်းအမျိုးသမီး ကဆိုသည်။
အလားတူ တန်ယန်းမြို့တွင် လည်း စစ်ကောင်စီ စစ်ဆေးရေး ဂိတ်များ ည ၆ နာရီမှ မနက် ၆ နာရီထိ ကားများကို ဖြတ်သန်းသွားလာခွင့်များ ပိတ်ထားကြောင်း သိရသည်။
ပြီးခဲ့သည့် မတ်လ ၁ရက်မှစတင်ပြီး မိုင်းပွန်မြို့အဝင် လမ်းပြန်ဖွင့်ပေးသော်လည်း ည ၆ နာရီမှ မနက် ၆ နာရီထိ ကားကြီး၊ ကားငယ်များကို ဖြတ်သန်းသွားလာခွင့်မပြုကြောင်း သိရသည်။
Leave a Comments