NCA လက်မှတ်ရေးထိုးထားသည့် တိုင်းရင်းသား လက်နက်ကိုင် (၇)ဖွဲ့ နှင့် ငြိမ်းချမ်းရေး ဖော်ဆောင်ညှိနှိုင်းရေး ကော်မတီ (NSPNC) တို့ သည် လက်နက်ကိုင် ပဋိပက္ခများရပ်တန့်နိုင်ရေးဆိုင်ရာ ကိစ္စများကို နေပြည်တော်တွင် ဆွေးနွေးခဲ့ကြကြောင်း သတင်းရရှိသည်။

အဆိုပါ တွေ့ဆုံဆွေးနွေးမှုသည် ယမန်နေ့ (မတ် ၂၉)ရက်တွင် နေပြည်တော်၌ တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေး သဘောတူစာချုပ် (NCA) ကိုလက်မှတ်ရေးထိုးထားသည့်တိုင်းရင်းသးလက်နက်ကိုင် (၇)ဖွဲ့ ၏ ကိုယ်စားလှယ်များ နှင့် ငြိမ်းချမ်းရေး ဖော်ဆောင်ညှိနှိုင်းရေး ကော်မတီ ဥက္ကဌ ဒုတိယ ဗိုလ်ချုပ်ကြီး ထွန်းထွန်းနောင် တို့ တွေ့ဆုံစဥ်တွင် ပြောဆိုခဲ့ခြင်းဖြစ်သည်။

ထို့အပြင် (၇၉)နှစ်မြောက်တပ်မတော်နေ့ အခမ်းအနား၌ အာဏာသိမ်းစစ်ခေါင်းဆောင် ပြောကြားခဲ့သည့် NCA နှင့်စပ်လျဥ်းသည် ငြိမ်းချမ်းရေး ဆိုင်ရာ လုပ်ငန်းစဥ်များ၊ လက်နက်ကိုင်ပဋိပက္ခများရပ်တန့်ရေး ဆိုင်ရာကိစ္စများ၊ တပ်မတော်၏ ငြိမ်းချမ်းရေးဆိုင်ရာ မူဝါဒ ၆ ရပ်နှင့် ရေရှည်တည်တံ့ခိုင်မြဲသည့် ငြိမ်းချမ်းရေး လုပ်ငန်းစဥ်များနှင့် ပတ်သက်ပြီး ညှိနှိုင်ရေးကော်မတီ ဥက္ကဌ က ဆွေးနွေးပြောကြားခဲ့သည်။

ဆက်လက်ပြီး လူသားချင်းစာနာထောက်ထားမှု အကူအညီပေးရေးကိစ္စများ၊ နယ်စပ်ဒေသနှင့် တိုင်းရင်းသားလူမျိုးများ ဖွံ့ဖြိုးတိုးတက်ရေး ဦးစီးဌာန နှင့် INGO အဖွဲ့ တို့အကြား အကောင်အထည်ဖော်ဆောင်ရွက်မည့် “ မြန်မာနိုင်ငံ၏ ငြိမ်းချမ်းရေး လုပ်ငန်းစဥ်အတွက် လိုအပ်သော အကူအညီများ ပေးအပ်နိုင်ရေး စီမံကိန်း”လျားထားဆောင်ရွက်နိုင်မည့်အ ခြေအနေ ကို ဆွေးနွေးခဲ့ကြောင်း သိရသည်။

ထို့နောက် ငြိမ်းချမ်းရေး လုပ်ငန်းစက်များစဥ်ဆက်မပြတ်ဖြစ်ပေါ်လာရေး နှင့် ဒီမိုကရေစီနှင့် ဖက်ဒရယ်ကို အခြေခံသော ပြည်ထောင်စုတည်ဆောက်နိုင်ရေး ကိစ္စများ ၊ ငြိမ်းချမ်းရေး လုပ်ငန်းစဥ် ဦးဆောင်အဖွဲ့ (PPST) အာားပြင်ဆင်ဖွဲ့စည်းခြင်း ကိစ္စများနှင့် ပတ်သက်ပြီး ရခိုင်ပြည်လွတ်မြောက်ရေး ပါတီ (ALP) ဥက္ကဌ စောမြရာဇာလင်း က ပြောကြားခဲ့သည်။

ထို တွေ့ဆုံဆွေးနွေးပွဲ တွင် NCA (၇)ဖွဲ့ဘက်မှ ပအိုဝ်းအမျိုးသးလွတ်မြောက်ရေး ပါတီ (PNLO) နာယက ဦးခွန်ဥက္ကာ၊ ALP ဥက္ကဌ စောမြရာဇာလင်း၊ လားဟူဒီမိုကရက်တစ် အစည်းအဝေး (LDU) မှ ဒုတိယဥက္ကဌ ကျာဖူး၊ ဒီမိုကရေစီ အကျိုးပြု ကရင်တပ်မတော် (DKBA) မှ စောကျော်သန်းဌေး၊ KNU/KNLA ငြိမ်းချမ်းရေးကောင်စီ မှ ဗဟိုအလုပ်အမှုဆောင် ကော်မတီဝင် စောမောင်မောင်၊ မွန်ပြည်သစ်ပါတီ (NMSP) မှ ဗဟိုအလုပ်အမှုဆောင်ကော်မတီဝင် နိုင်အောင်မငေး၊ သျှမ်းပြည် ပြန်လည်ထူထောင်ရေးကောင်စီ (RCSS) ဗဟိုအလုပ်အမှုဆောင် ကော်မတီဝင် စဝ်ဆောင်းဟန် တို့ တက်ရောက်ခဲ့သည်။

ဆက်လက်ပြီး မြန်မာနိုင်ငံ ပြည်တွင်းပဋိပက္ခ အခြေအနေတည်ငြိမ်လာစေရန်မျှော်လင့်ကြောင်း၊ ငြိမ်းချမ်းရေး လုပ်ငန်းစဉ်တိုးတက်မှုရရှိပြီး နယ်စပ်ဒေသတည်ငြိမ်အေးချမ်းမှုကို ကာကွယ်ရန် မျှော်လင့်ကြောင်း၊
မြန်မာနိုင်ငံဆိုင်ရာ တရုတ်သံအမတ်ကြီး Mr. Chen Hai နှင့် NSPNC အတွင်းရေးမှူးနှင့် ညှိနှိုင်းရေးမှူး ဒုတိယ ဗိုလ်ချုပ်ကြီးမင်းနိုင် တို့ ယမန်နေ့ ( မတ်လ ၂၈) ရက်နေ့တွင် နေပြည်တော်တွင် တွေ့ဆုံဆွေးနွေးခဲ့သည်။

NCA လက်မှတ်ရေးထိုးထားသော တိုင်းရင်းသားလက်နက်ကိုင် (၇)ဖွဲ့ 7 NCA-S EAO တို့သည် မတ် ၁၈ရက်နေ့တွင် စုဖွဲ့မှုပုံစံအသစ်ဖြင့် တိုင်းရင်းသားလက်နက်ကိုင် အဖွဲ့အစည်း (၇)ဖွဲ့၏ မဟာမိတ်အဖွဲ့ (7 EAO Alliance) အဖြစ် ပြောင်းလဲဖွဲ့စည်း ကြေညာချက်ထုတ်ပြန်ခဲ့သည်။