Wednesday, May 22, 2024

ဟိုပုံး-မိုင်းပွန် ကားလမ်းပေါ် အိမ်စီးကား ပစ်ခံရ၊အမျိုးသား၂ဦးထိမှန်

Must read

သျှမ်းပြည်တောင်ပိုင်း ဟိုပုံး-မိုင်းပွန် ကားလမ်း‌ပေါ်တွင် အိမ်စီးကားတစ်စီး အပစ်ခံရပြီး အမျိုးသားနှစ်ဦး ထိခိုက်ဒဏ်ရာရရှိပြီး မိုင်ပွန်ဒေသခံများ စိုးရိမ်နေကြရကြောင်း စုံစမ်း သိရသည်။

ဟိုပုံးနှင့်မိုင်းပွန်ကြား ထမ်စမ်းဂူအနီးတွင် ယမန်နေ့ (ဖေဖော်ဝါရီ ၂၁ )ရက်တွင် စစ်ကောင်စီနှင့် PNO ပြည်သူ့စစ်ဂိတ်တွင် အိမ်စီးကားတစ်စီး အပစ်ခံရပြီး အမျိုးသားနှစ်ဦး အပြင်းထန်ဒဏ်ရာရရှိခဲ့ကြောင်း မိုင်းပွန်မြို့‌ဒေသခံ အမျိုးသားတစ်ဦးက သျှမ်းသံတော်ဆင့်ကိုပြောသည်။

“ဟုတ်တယ် အပစ်ခံရတာ။ကားကိုပစ်ပြီး အနောက်ကို ထိတာပေါ့။နှစ်ယောက်တော့ သိသွားတယ်။ မနေ့က ဖြစ်သွားတာ။ပိတ်မိနေတာတွေလည်း အများကြီးပဲ။ ဒီနေ့ကလည်း ဒရုန်းနဲ့ တပ်(ခမရ ၅၁၇)ထဲကို ချသွားတယ်။ တံတားနားမှာလဲ ဗုံးလာချသွားတယ်။တပ်ထဲကတော့ လူထိတယ်လို့တော့ကြားတယ်။”ဟု မိုင်းပွန်မြို့‌ဒေသခံ အမျိုးသားတစ်ဦးက ပြောသည်။

တိုက်ပွဲကြောင့် မိုင်းပွန်မြို့ထဲထိ ကားများပိတ်မိနေကြောင်း၊ ကုန်တင်ကားများ၊ကျောက်မီးသွေးတင်ယာဉ်များ နောက်ပြန်လှည့်ရန်ခက်ခဲနေပြီး အိမ်စီကားအများအပြားပိတ်မိကာ ပြည်သူများလည်း စိုးရိမ်ပြီး ထွက်ပြေးတိမ်ရှောင်မှုများလည်းရှိ နေကြောင်း
ဒေသခံ များက သျှမ်းသံတောင့်ကိုပြောသည်။

“တပ်နဲ့နီးတဲ့ တချို့အိမ်တွေကပြေးကုန်ပြီ။ တချို့ကလည်း လွိုင်လင်ကိုပြေးတယ်။ တချို့ကလည်းရွာဖက် ကိုပြေးတာတွေ ရှိတယ်။ မြို့ကလူတွေကတော့ စိုးရိမ်နေရတာပေါ့။ အိမ်တွေဆိုင် တွေပိတ်ထားတာတွေရှိတယ်။ ကားတွေကလည်း တွဲကားကြီးတွေဆိုတော့ ခေါင်းလှည့်ပြန်လို့လည်းမရဘူးလေ။အတန်းကလည် အရှည်ကြီးပဲ။ဟု မိုင်းပွန်မြို့‌ဒေသခံ အမျိုးသားတစ်ဦးက ပြောသည်။

သျှမ်းပြည် မြို့တော် တောင်ကြီးမြို့လမ်းတကြောရှိ ဟိုပုန်း၊မိုင်းပွန်၊လွိုင်လင် ယနေ့ (ဖေဖော်ဝါရီ ၂၂) ရက်အထိ မိုင်းပွန်မြို့ရှိ တံတားတွင် ကားလမ်းများ ယာယီပိတ်ထားပြီး လက်နက်ကြီး သံများလည်း ကြားနေရကြောင်း ဒေသခံများက သျှမ်းသံတော်ဆင့်ကိုပြောသည်။

ဟိုပုံးမြို့နယ်အတွင်းကို ယမန်နေ့ (ဖေဖော်ဝါရီ ၂၀) ရက်မှစပြီး စစ်ကောင်စီက လေကြောင်းဖြင့် စတင်ပစ်ခတ်ခဲ့ပြီး၊ ပအိုဝ်းအမျိုးသားလွတ်မြောက်ရေးတပ်မတော် PNLAနှင့် စစ်ကောင်စီ၊ PNO ပြည်သူ့စစ်တို့ တိုက်ပွဲများပြင်းထန်ကြောနေကြောင်း သိရသည်။

Leave a Comments

- Advertisement -spot_img

Latest article