Friday, June 14, 2024

ဒရုန်းဖြင့် ဗုံးကြဲခံခဲ့ရသည့် အရပ်သား အလောင်း (၇) မကယ်ထုတ်နိုင်သေး

Must read

သျှမ်းပြည် တောင်ပိုင်း ဆီဆိုင်မြို့တွင် စစ်ကောင်စီမှ ပစ်လိုက်သည့် ဒရုန်း ဗုံးကြဲမှုကြောင့် အရပ်သား များ သေဆုံးမှုရှိကာ အလောင်းများကို ယနေ့အချိန်ထိ မကယ်ထုတ်နိုင်သေးကြောင်း စုံစမ်းသိရသည်။

ဆီဆိုင်မြို့နယ်

ဆီဆိုင်မြို့နယ် ဝါးတောရွာအနီး တောင်ယာသွားလမ်းတွင် ဖေဖော်ဝါရီလ ၁၉ ရက်နေ့ စကစဖက်မှ ဒရုန်းဖြင့် ဗုံးကြဲတိုက်ခိုက်ခဲ့ရာ အရပ်သားပြည်သူ ၇ ဦးကို ပွဲချင်းပြီးသေဆုံးခဲ့ရာ ယနေ့အချိန်ထိ အလောင်းများကိုမကယ်ထုတ်နိုင်သေးပဲ ကျန်ရှိနေကြောင်း ဒေသခံတစ်ဦးက သျှမ်းသံတော်ဆင့်ကိုပြောသည်။

ထိုသူများသည် တိုက်ပွဲဖြစ်ပွားနေသည့် နေရာနှင့် တစ်မိုင်အကွာတွင် ဗုံးကြဲခံရပြီးသေဆုံးခဲ့သည်။

“စစ်ပွဲ ဧရိယာနဲ့နီးလို့ ဗုံးကြဲခံခဲ့ရတာ။ ခုထိအလောင်းကို သွားမကောက်ရဲသေးဘူး။ ကျနော်က ကယ်ထုတ်ဖို့ကြိုးစားသေးတယ်။ကားကငယ်တော့မရခဲ့ဘူး”ဟု ဒေသခံအမျိုးသားတစ်ဦးကဆိုသည်။

ဆီဆိုင်မြို့နယ်တွင် တိုက်ပွဲပြင်းထန်နေပြီး နေရော ညပါပစ်ခတ်နေ့သည့်အတွက် ဒေသခံအများအပြား စစ်ဘေးရှောင်နေရကြောင်းသိရပါသည်။

” တိုက်ပွဲက နေ့ရော ညရော မနားဘူးဖြစ်နေတာ။ ခဏပစ်လိုက် နားလိုက်နဲ့ ဆက်တိုက်ပဲ ဖြစ်နေတယ်။ ကျနော်တို့ဆိုလည်း ပြေးရလွှားရနဲ့ အဆင်မပြေဘူး။ ခုဆိုရင်ဆီဆိုင်က လူတွေ စစ်ဘေးအကုန်ရှောင်နေရတယ်။”ဟု ၎င်းအမျိုးသားက ဆက်ပြောသည်။

ပြီးခဲ့သည့် ဖေဖော်ဝါရီလ ၁၇ ရက် ည၉ နာရီအချိန်တွင်လည်း ထမ်းယံနှင့် ထီတမ် ကျေးရွာတွင် လက်နက်ကြီးကြောင့် နေအိမ်ပျက်စီးပြီး ကလေးငယ်အပါ အရပ်သား ၂ဦးသေဆုံးပြီး ၇ဦး ဒဏ်ရာရရှိခဲ့ကြောင်းသိရပါသည်။

Leave a Comments

- Advertisement -spot_img

Latest article