Saturday, July 13, 2024

သျှမ်း-ကရင်နီနယ်စပ်တကြောရောက် စစ်ရှောင်များ နေထိုင်ရာအခက်ခဲဖြစ်

Must read

သျှမ်း- ကရင်နီပြည် နယ်စပ်တကြောမှ စစ်ဘေးတိမ်းရှောင်လာသူများ တိုးလာပြီး နေရာထိုင်ခင်း နှင့် စားဝတ်နေရေးအတွက်အခက်အခဲများကြုံတွေ့နေကြာင်း စုံစမ်းသိရသည်။

ဆီဆိုင်စစ်ရှောင်

သျှမ်း -ကရင်နီပြည် နယ်စပ်တကြော တိုက်ပွဲများကြောင့် ဆီဆိုင်မြို့နယ် နှင့် ကျေးရွာအချို့တွင် စစ်ရှောင်လာသူ ၃၀၀ ထက်မနည်း တိုးလာပြီး နေရာထိုင်ခင်းနှင့် စားဝတ်နေရေး အခက်အခဲများ ကြုံတွေ့ နေရကြောင်း ‌ဒေသခံများက သျှမ်းသံတော်ဆင့်ကို‌ ပြောသည်။

“နေ့တိုင်းတိုးနေတာပဲ။ နေရာအစုံရောက်နေကြတော့ ကျနော်တို့တောင်လက်လမ်းမမှီတော့ဘူး။ စားဝတ်နေရေး အတွက်ကြတော့ အလှူရှင်တွေပါးတော့ မလောက်၊မငှ ဖြစ်နေတာပေါ့။ နေရာတွေပျံ့နေကြတော့ လိုက်မကြည့်နိုင်ဘူး အခက်အခဲတော့ရှိတာပေါ့။”ဟု စစ်ရှောင်ကူညီသူတစ်ဦးက ပြောသည်။

နေရာထိုင်ခင်းအတွက် ဝါးများဝယ်ကာ အဆင်ပြေသကဲ့သို့ တဲဆောက်၍နေထိုင် သူများလည်းရှိနေပြီး၊ စားဝတ်နေရေးအတွက် ကြုံရာအလုပ်လုပ်ကာ ရှာဖွေစားသောက်နေရကြောင်း စစ်ရှောင်တစ်ဦးက သျှမ်းသံတော်ဆင့်ကို ပြောသည်။

“ပြေးလာတာဘာမှ မပါလာတာရှိတယ်။အဝတ်အထည်တွေက ဒီကနေတချို့ပေးတယ်။တချို့ တွေကြတော့ နေရာတွေပြည့်တော့ ကိုယ်ဟာကို ဝါးဝယ်ပြီး တဲ တွေဆောက်ပြီးနေတာတွေရှိတယ်။မြေကတော့ သူတို့ သတ်မှတ်ပေးတဲ့နေရာပေါ့။ချဲ့လို့တော့ မရတော့ဘူး။ခုတော့ ပြောင်းလေးလိုက်ချိုး နေရလို့နည်းနည်း အဆင်ပြေသေးတယ် ဒီပြောင်းဖူးပြီးသွားရင်တော့ စိတ်ပူရတာပေါ့။အကြာကြီးနရမှာဆိုတော့ ရှိတာလေး တွေတော့ဆက်လုပ်ရမှာပဲ။” ဟု စစ်ဘေးရှောင်အမျိုးသားတစ်ဦးက ပြောသည်။

“၁၁.၁၁”စစ်ဆင်ရေးကြောင့် သျှမ်း-ကရင်နီနယ်စပ်တကြောမှ စစ်ရှောင်များသည် ဘုရားစောင်းတန်း ၊ ဘုန်းကြီးကျောင်းများ၊ ဇရပ်များနှင့် နီးစပ်ရာဆွေမျိုးအိမ်းများ အိမ်ငှားနေသူများ အဆင်ပြေသလို ခင်းကျဉ်းနေထိုင်ကြသည်။

လက်ရှိ ဆီဆိုင်မြို့သို့စစ်ဘေးရှောင်လာသူ သုံး သောင်းကျော်ရှိကြောင်း သိရသည်။

Leave a Comments

- Advertisement -spot_img

Latest article