Thursday, April 18, 2024

အမျိုးသားတစ်ဦး ကမ္ဘောဇဘဏ်ထဲသို့ ဝင်ရောက်သောင်းကျန်း

Must read

သျှမ်းပြည် ပင်လုံမြို့တွင် မူယစ်ဆေးသုံးစွဲထားသူဟု ယူဆရသည့် အမျိုးသားတစ်ဦးသည် ယနေ့ (ဇန်နဝါရီ ၁၇)ရက် နေ့လည် ၂နာရီဝန်းကျင်တွင် ကမ္ဘောဇ (KBZ )ဘဏ်ထဲသို့ ဝင်ရောက်သောင်းကျန်းခဲ့သည့် အတွက်ကြောင့် ပြည်သူများထိန့်လန့်နေကြောင်း သိရသည်။

ပင်လုံမြို့

သျှမ်းပြည် ပင်လုံမြို့ ရပ်ကွက် ၁ ရှိ KBZ ဘဏ်ကို ယနေ့ (ဇန်နဝါရီလ ၁၇) ရက် နေ့လည် ၂ နာရီ တွင် မူယစ်ဆေးသုံးစွဲထားသူဟု ယူဆရသည့် အမျိုးသားတစ်ဦး ဘဏ်ထဲသို့ ဝင်ရောက် သောင်းကျန်းသဖြင့် ဒေသခံများ ထိန့်လန့်ခဲ့ရကြောင်း ဒေသခံများက သျှမ်းသံတော်ဆင့်ကိုပြောသည်။

“ခဏက ဆေးကြောင်ပြီး ဘဏ်မှာလာတောင်းကျန်တာ ပြည်သူတွေက ထိန့်လန့်ပြီး ဓားပြတိုက်တယ် ထင်နေကြတာ။ ငွေရောက်တယ် ငွေလာထုတ်မယ်ဆိုပြီး လာတာပေါ့ ဓားမ ကြီးလည်းပါတယ်။ သူများကိုလည်း ဓားနဲ့ ရွယ်တာပေါ့။သူထွက်ပြေးသွားတော့ အဲ့မှ လုံခြုံရေးတွေကလိုက်ဖမ်းတာ၊အဲ့ကနေ့ ဓားပြတိုက်တယ် ထင်ပြီး လန့်ကုန်ကြတာ ” ဟု ဒေသခံအမျိုးသမီးတစ်ဦးက ပြောသည်။

ထို့နောက်မှာတော့ စစ်ကောင်စီနှင့်ရဲတို့က KBZ ဘဏ်တွင် လာ‌ရောက်ကင်းစောင့်ပြီး ဒေသခံများ စိုးရိမ်ကြောက်လန့်ပြီး အချို့ ဆိုင်ပိတ်သိမ်းလိုက်ကြောင်း ပင်လုံမြို့ ‌ဒေသခံများက ဆက်ပြောသည်။

ပြီးခဲ့သည့် (ဇန်နဝါရီလ ၈ ရက်)တွင်လည်း ပင်လုံမြို့ ဈေးအနောက်ဘက်တွင် ဖွင့်လှစ်ထားသော “မခင်ဦး” ရွှေဆိုင်ကို အမည်မသိ အမျိုးသားတစ်ဦးက သေနတ်ပြ ခြိမ်းခြောက်ပြီး လက်စွပ်နှင့်ရွှေဆွဲကြိုး ၃ ကျပ်သားကျော်ကို ဓားပြတိုက်လုယူသွားကြောင်း သိရသည်။

Leave a Comments

- Advertisement -spot_img

Latest article