ကွတ်ခိုင်မြို့မှ ထွက်ပြေးတိမ်းရှောင်လာသည့် စစ်ကောင်စီတပ်ဖွဲ့၏ တပ်သား မိသားစုဝင်များကို တအာင်း(ပလောင်) အမျိုးသား လွတ်မြောက်ရေးတပ်မတော် TNLA မှ ဖမ်းဆီးပြီး ရောက်နေသည့်လမ်းတစ်ဝက်မှာတင် မိုင်းများဖြင့်ဖောက်ခွဲ၍ သေဆုံးသတင်းမှား ဖြန့်ချိနေသည်။

စစ်ကောင်စီ၏ ဝါဒဖြန့် ဟန်ငြိမ်းဦးဆိုသည့်အကောင့်တစ်ခုမှ “ ဇန်နဝါရီ (၇) ရက် ကွတ်ခိုင်မြို့ တပ်မတော်မှ စစ်သည်များ၏ ဇနီးရဲမေနှင့် ကလေးငယ် စုစုပေါင်း (၁၄၆) ယေက်မိသားစုများက ထွက်ခွာလာစဉ် လွိုင်ဆမ်ဆစ်တောင် ကြားအရောက်တွင် TNLA အင်အား (၄၀၀)ခန့်မှ ဖမ်းဆီးကာ ကားပေါ်မှ ဆင်းခွင့်မပေးဘဲ မိုင်းများဖြင့်ဖောက်ခွဲတိုက်ခိုက်ရာ အားလုံးသေကုန်ကြောင်း” ဟုဆိုကာ ရေးသားဖြန့်ချိနေသည်။
Archive Link – https://archive.ph/b2hbd

သျှမ်းသံတော်ဆင့် အချက်အလက်စစ်ဆေးသည့် အဖွဲ့သူများက အဆိုအကြောင်းအရာကို စစ်ဆေးမှုပြုလုပ်ခဲ့သည်။ ယင်းမှာ အချက်အလက်မှားယွင်းနေကြောင်း တွေ့ရသည်။

ပြီးခဲ့တဲ့ (ဇန်နဝါရီလ ၆ ရက်) နံနက်ပိုင်းတွင် ကွတ်ခိုင်မြို့ရှိ စစ်ကောင်စီ အခြေချ စစ်ဗျူဟာတပ် (စဗခ) မှ ညီနောင်မဟာမိတ်ထံသို့ လက်နက်ချအညံ့ခံအပြီး ၎င်းတို့၏ မိသားစုဝင်များနှင့်အတူ ထိုနေ့ညပိုင်း၌ ကားအစီးရေ ၂၀ ကျော်ဖြင့်မြို့ကိုစွန့်ခွာသွားကြောင်း လူမှုကူညီရေးအသင်းအဖွဲ့ တစ်ဦးမှ သျှမ်းသံတော်ဆင့်ကို ပြောကြားခဲ့သည်။
အဆိုပါ သတင်းနှင့်ပတ်သက်၍ တအာင်း (ပလောင်) အမျိုးသားလွတ်မြောက်ရေး တပ်မတော် TNLA၏ ပြန်ကြားရေးထံသို့ မေးမြန်းခဲ့ရာ “သတင်းအမှားသာဖြစ်တယ်” ဟု အတည်ပြု ဖြေကြားထားသည်။

လွတ်လပ်ပြီး ယုံကြည်ရသော အခြားမီဒီယာများတွင် ယင်းအကြောင်းအရင်းကိစ္စနှင့် ပတ်သက်၍ ရေးသားဖော်ပြခြင်းမရှိပေ။

ထို့ကြောင့် ကွတ်ခိုင်မြို့မှ ထွက်ပြေးတိမ်းရှောင်လာသည် စစ်ကောင်စီတပ်သားများ၏ မိသားစုဝင်များကို TNLAမှ မိုင်းခွဲတိုက်ခိုက်ခဲ့သည်ဆိုသည့် သတင်းမှာ အမှားဖြစ်ပြီး လူအများ အထင်လွဲမှားအောင် သတင်းအချက်အလက်ကို မစီစစ်ဘဲ ချဲကားရေးသားဖြန့်ဝေနေခြင်း ဖြစ်သည်။

သျှမ်းသံတော်ဆင့် စာဖတ်ပရိတ်သတ်များအနေဖြင့် လူမှုကွန်ရက် စာမျက်နှာများတွင် ဖော်ပြနေသည့် သတင်းများကို ချက်ချင်းမယုံကြည်ဘဲ စိတ်ချရသော သတင်းမီဒီများတွင် သွားရောက်ဖတ်ရှု့ကြရန် တိုက်တွန်းပါသည်။

ထို့အပြင် သတင်းတု၊ သတင်းမှားဟု ယူဆရသည့် သတင်းများကိုလည်း သျှမ်းသံတော်ဆင့်ရဲ့ Chat Boxမှဆစ်ဆင့် သတင်း၏ လင့်ခ် (သို့မဟုတ်) Screen Shortပုံပေးပို့ခြင်းဖြင့် စစ်ဆေးနိုင်သည်။