Sunday, July 21, 2024

မူဆယ်-နမ့်ခမ်း- လားရှိုး သို့သွားသောလမ်း TNLA ဆက်ကြေးတိုးကောက်

Must read

မူဆယ်-နမ့်ခမ်း- လားရှိုးမြို့သို့ သွားသည့်လမ်းပိုင်းတွင် တအာင်း (ပလောင်) အမျိုးသား လွတ်မြောက်ရေး တပ်မတော် (TNLA)က ကားသမားများထံ ဆက်ကြေးကောက်ခံ နေကြောင်း စုံစမ်းသိရသည်။

သျှမ်းပြည် မူဆယ်မြို့ မှ လားရှိုးမြို့သို့သွားသောလမ်းတကြောရှိ မန်တုံ နှင့် နမ္မတူလမ်းကြားတွင် TNLA တပ်သားများ က ကားဆရာများ၊ ကုန်ကားများထံ အခွန် (ဆက်ကြေး) များကို ယခင်ထက်ပို၍တိုးကောက်နေသောကြောင့် ကားသမားအခက်အခဲ ကြံတွေ့နေရ ကြောင်းကို ကားသမား တစ်ဦးက သျှမ်းသံ‌တော်ဆင့်ကို ပြောသည်။

“ဟုတ်တယ် နမ္မတူလမ်းမှာကောက်တာ။ ကားငယ်တွေဆို ၁ သိန်းခွဲ၊ကားကြီးဆိုရင် ၂ သိန်းကျော်တယ်။ ကားခတွေ ဘာမှ မကျန်ပါဘူးဆိုမှ သူတို့ ကောက်လိုက်တော့ ပြီးရော။လမ်းကလည်း ဘီးပေါက်တာနဲ့ ဆီးဖိုးနဲ့ကို ဘာမှ မကျန်တော့ဘူး”ဟု ကားသမားတစ်ဦးက ပြောသည်။

နမ္မတူ -လားရှိုးလမ်းပိုင်း

“၁၀၂၇ စစ်ဆင်‌ရေး” တိုက်ပွဲများကြောင့် သီပေါမြို့နယ်ရှိ စဉ့်အင်းတံတားနှင့်ကျင်သီတံတား၊ သိန္နီမြို့ဝင်တံတား ၊ကွမ်းလုံနှင့် ဟိုပန်ကြားရှိ ဖောင်ဆိပ် နိမ့်တိန်ချောင်း တံတားများ၊လမ်းများ ဖျက်ဆီးခံခဲ့ရပြီး လက်ပန်းဆက်သွယ်ရေး အတွက် အခက်အခဲ များစွာကြုံတွေ့နေရကြောင်း ပြည်သူများနှင့် ကားသမားများက ပြောသည်။

“၁၀၂၇ စစ်ဆင်‌ရေး”တိုက်ပွဲများကြောင့် လျှပ်စစ်မီးနှင့် အင်တာနက်၊ဖုန်းလိုင်းများလည်း ဖြတ်တောက်ခံ ထားရပြီး၊ ကုန်းဈေးနှုန်း များလည်း အဆမတန်မြင်တက်လာခဲ့ကြောင်း သိရသည်။

ပြီးခဲ့သည့် ဒီဇင်ဘာလ ၁၈ ရက်နေ့တွင်လည်း မူဆယ်မြို့မှ ထွက်ခွာသည့် ပြည်သူများနှင့် စစ်ဘေးရှောင်များသည် တိုက်ပွဲကြောင့် ဖြတ်သန်းသွားလာ၍ မရကာ မူဆယ်-နမ့်ခမ်းလမ်းကြား စယ်လန့်ကျေးရွာတွင် ရာနှင့်ချီရှိသော ယာဉ်များနှင့်အတူ တစ်ပတ်နီးပါးကြာ ပိတ်မိနေကြောင်း သိရသည်။

“ ၁၀၂၇ စစ်ဆင်ရေး” တိုက်ပွဲ တစ်လခွဲကျော်အတွင်း အရပ်သား ၁၂၆ ဦးသေဆုံးပြီး ၂၀၄ ဦး ထိခိုက် ဒဏ်ရာရရှိခဲ့ကာ လူနေအိမ် ၄၀၀ ခန့် ထိခိုက်ပျက်စီးသွားပြီဖြစ်ကြောင်း ကုလသမဂ္ဂ လူသားချင်း စာနာထောက်ထားမှု ပေါင်းစပ်ညှိနှိုင်းရေးရုံး(UNOCHA)က ဒီဇင်ဘာလ ၈ ရက်တွင် ထုတ်ပြန်ထားသည်။

Leave a Comments

- Advertisement -spot_img

Latest article