မြန်မာ-တရုတ်နယ်စပ် မူဆယ်မြို့နယ်တွင် တိုက်ပွဲဖြစ်ပွားခြင်မရှိဘဲ စစ်ကောင်စီမှ လေကြောင်းဖြင့် ပစ်ခတ်ခဲ့သဖြင့် အမျိုးသားတစ်ဦး ကျည်ထိမှန်၍သေဆုံးခဲ့ကြောင်း စုံစမ်းသိရသည်။
သျှမ်းပြည် မူဆယ်မြို့နယ် ဟိုနားရပ်ကွက် ယမန်နေ့ (ဒီဇင်ဘာ ၁၁)ရက် ညနေ ၄နာရီဝန်းကျင်တွင် တိုက်ပွဲ ဖြစ်ပွားမှုမရှိဘဲ စစ်ကောင်စီဘက်မှ လေကြောင်းဖြင့် ပစ်ခတ်ပြီး ပြည်သူနေအိမ်ပေါ် ကျည်ကျကာ အမျိုးသားတစ်ဦးသေဆုံးခဲ့ကြောင်း မူဆယ်ဒေသခံအမျိုးသားတစ်ဦးက သျှမ်းသံတော်ဆင့်ကိုပြောသည်။
“ဟက်စကီးက မြို့ပေါ် ဟိုနားရပ်ကွက်ပေါ်ကနေ ၁၀၅ မိုင်ဘက်ကို ပစ်တာ။သူတို့ ပစ်နေတဲ့အချိန်က သူက ထမင်းဟင်း ချက်နေတာ ကျည်က သူ့ခေါင်းပေါ်ကျပြီးတော့ ဆေးရုံရောက်သွားတဲ့ အချိန်မှာ သေသွားတာ။ ဟက်စကီးရဲ့ Machine gun ရဲ့ကျည်ပေါ့ သူ့ အရှည်က တစ်ထွာလောက်ရှိတယ် ”ဟု မူဆယ်ဒေသခံ အမျိုးသားတစ်ဦးက ပြောသည်။
ထိုသေဆုံးသွားသည့် အမျိုးသားသည် အသက် ၅၄ နှစ် ရှိကြောင်း သိရသည်။
စစ်ကောင်းစီတို့သည်ညီနောင်မဟာမိတ်တပ်ဖွဲ့များ နှင့် စစ်ကောင်စီ တပ်ဖွဲ့တို့သည် ပြီးခဲ့သည့် အောက်တိုဘာလ နှောင်းပိုင်းမှ စတင်ကာ မူဆယ်မြို့နယ်အတွင်း တိုက်ပွဲများ ဖြစ်ပွားခဲ့ပြီး တိုက်ပွဲအတွင်း လက်နက်ကြီး၊ လက်နက်ငယ် များဖြင့် ပစ်ခတ်မှု ကြောင့် အရပ်သား ထိခိုက်ဒဏ်ရာရသူ(၂၂)ဦးနှင့် သေဆုံးသူ (၁၁) ဦး ထိမြင့်တက်လာသည်။
စစ်ကောင်စီနှင့် ညီနောင်မဟာမိတ် ၃ ဖွဲ့တို့သည် တရုတ်နိုင်ငံ၏ ကြားဝင်စေ့စပ်ပေးမှုအရ ဒီဇင်ဘာလ ဒုတိယပတ်က ကူမင်းမြို့တွင် တွေ့ဆုံဆွေးနွေးခဲ့သည်။
Leave a Comments