သျှမ်းပြည်မြောက်ပိုင်းတွင် ညီနောင်မဟာမိတ် ၃ ဖွဲ့တို့ ဆင်နွှဲသော “၁၀၂၇ စစ်ဆင်ရေး” တွင် ဓနုပြည်သူ့ လွတ်မြောက်ရေးတပ်ဦး (DPLF)တို့လည်းမြို့ သိမ်းတိုက်ပွဲများ တွင် ပါဝင်တိုက်ခိုက်နေကြောင်း ဒီဇင်ဘာလ ၆ ရက်တွင် အသိပေးထုတ်ပြန်ထားသည်။
ဓနုပြည်သူ့လွတ်မြောက်ရေးတပ်ဦး(DPLF) နှင့် ညီနောက်မဟာမိတ်တို့ ရက်ပေါင်း (၄၀) ကျော် ကာလ အတွင်း တစ်ရက်မျှ ရပ်နားခဲ့ခြင်းမရှိဘဲ ကွတ်ခိုင်၊ နမ့်ခမ်း၊ သီပေါနှင့် ကျောက်မဲမြို့နယ်များရှိ စစ်ကောင်စီတပ် စခန်းအချို့အား ဆက်လက်ထိုးစစ်ဆင်တိုက်ခိုက်ခဲ့ကြောင်းသိရသည်။
“ တိုက်နေတာထက်ကို ကျနော်တို့က အတွေ့အကြုံ ယူတာပါ သျှမ်းမြောက်တွေမှာ ပါဝင်တိုက်ခိုက်နေတာ သေချာပါတယ်”ဟု ဓနုပြည်သူ့ လွတ်မြောက် ရေးတပ်ဦး(DPLF) တာဝန်ရှိသူတစ်ဦး က ပြောသည်။
တအာင်း တပ်မတော် (TNLA) နှင့်အတူ ဓနုပြည် သူ့လွတ်မြောက်ရေးတပ်ဦး (DPLF) ပူးပေါင်းအဖွဲ့သည်လည်း သီပေါမြို့နယ်၊ စံဖိတ်ကျေးရွာအနီးတွင် စစ်ကောင်စီတပ်ဖွဲ့ဝင်များနှင့် ထိတွေ့တိုက်ပွဲ ဖြစ်ပွားခဲ့ကြောင်းဖော်ပြထားသည်။
“၁၀၂၇စစ်ဆင်ရေး”ကို MNDAA၊ TNLA၊ AAစသည့် ညီနောင်မဟာမိတ် (၃)ဖွဲ့ ဦးဆောင်ဆင်နွှဲ နေပြီး မန္တလေးPDF၊ KNDF၊ BPLA၊ DPLFနှင့် အခြားတော်လှန်ရေးအင်အားစုများက ပါဝင် တိုက်ခိုက်နေ ကြကြောင်းသိရသည်
