ထိုင်းနိုင်ငံ အလုပ်သမားရေးရာဝန်ကြီးဌာန မှ ထိုင်းနိုင်ငံတွင်း တရားမဝင် အလုပ်လုပ်ကိုင်သူများ နှင့် အလုပ်သမားအခွင့်အရေးချိုးဖောက်သည့် ကုမ္ပဏီများကိုပါ အရေးယူဆောင်ရွက်သွားမည်ဟု Asia News သတင်းက ရေးသားဖော်ပြထားသည်။
ဆောက်လုပ်ရေး ကုမ္ပဏီ၊ စိုက်ပျိုးရေး ကုမ္ပဏီ နှင့် ရေးလုပ်ငန်းစသည့်တို့ကို ထိုင်းနိုင်ငံ ဥပဒေ နှင့် အညီ လိုက်နာမှုမရှိလျှင် ထိုင်းအစိုးရမှ အမည်ပျက် စာရင်းသွင်းထားကြောင်း သိရှိရသည်။
မြန်မာနိုင်ငံမှာ စစ်တပ်က အာဏာသိမ်းပြီးနောက်ပိုင်း ထိုင်းနိုင်ငံအတွင်းသို့ တရားမဝင် ဝင်ရောက်လာသည့် မြန်မာရွှေ့ပြောင်းအလုပ်သမား အများအပြားရှိသည့်အတွက် ထိုင်းအာဏာပိုင်များမှ စည်းမျဥ်းဥပဒေ မလိုက်နာသူများကို အရေးယူဆောင်ရွက်ရခြင်း ဖြစ်သည်။
မြန်မာနိုင်ငံအတွင်း ရုံးစိုက်ပြီး ရွှေ့ပြောင်းအလုပ်သမားများကို ထိုင်းနိုင်ငံတွင်းသို့ အလုပ်ရှာဖွေပေးသည့် ကုမ္ပဏီ (၈) ခုကိုလည်း ထိုင်းအစိုးရက ဗီဇာ (၁) နှစ် ရပ်တန့်သွားမည်ဟု ထုတ်ပြန်ထားသည်။
ထိုင်းနိုင်ငံတွင်း ရွှေ့ပြောင်းအလုပ်သမား ၄ သန်းကျော်ရှိပြီး အများစုသည် မြန်မာနိုင်ငံမှ လာရောက်သည့် သူများဖြစ်ကြောင်း ထိုင်းအလုပ်သမားရေးရာဝန်ကြီး ထုတ်ပြန်ချက်အရ သိရသည်။
Leave a Comments