သျှမ်းပြည်၊ မူဆယ်မြို့၊ ဟိုမွန်ရပ်ကွက်တွင် နေထိုင်သည့် အသက် ၂၀ ကျော် လူငယ် အမျိုးသားတစ်ဦးကို အမည်မသိ လူတစ်စုမှ ပစ်ခတ်ပြီး ပြန်ပေးဆွဲ သွားကြောင်း စုံစမ်းသိရသည်။
ယမန်နေ့( နိုဝင်ဘာလ ၂၈) ရက် ည ၆ နာရီဲခွဲ ဝန်းကျင်တွင် မူဆယ်မြို့ ဟိုမွန်ရပ်ကွက်မှ ပါမိုးခမ်း ဆိုသူ၏ နေအိမ်သို့ အမည်မသိ လူတစ်စုမှ လာရောက်ပြီး သူမ၏ သားဖြစ်သူကို ပြန်ပေးဆွဲ သွားကြောင်း ဖြစ်စဉ်ကို သိရှိသူ အမျိုးသား တစ်ဦးက သျှမ်းသံတော်ဆင့်ကိုပြောသည်။
“ကားတစ်စီးနဲ့ အမျိုးသား ၃ ဦး အိမ်ထဲ ဝင်လာတယ်။ သေနတ်နဲ့ ချိန်ပြီး သူ့သား (ပါမိုးခမ်း၏သား) ကို ပြန်ပေးဆွဲခေါ်သွားတယ်။ ပါမိုးခမ်း နဲ့ သူ့သမီးလည်း ခြေသလုံးမှာ ပစ်ခံရလို့ ဆေးရုံတင်ထားရတယ်။” ဟု ဖြစ်စဉ်ကို သိရှိသည့်အမျိုးသား တစ်ဦးက သျှမ်းသံတော်ဆင့်ကိုပြောသည်။
အဆိုပါ ပြန်ပေးဆွဲ ခေါ်သွားခံရသည့် အမျိုးသားသည် အသက် ၂၀ ဝန်းကျင်သာ ရှိနေပြီး လက်ရှိတွင် မည်သူက မည်သည့်နေရသို့ ဖမ်းခေါ်သွားသည်ကိုလည်း မသိရကြောင်း သိရသည်။
ထို့အပြင် ပါမိုးခမ်း နှင့် ၎င်း၏ သမီးဖြစ်သူတို့က ခြေသလုံး ပစ်ခတ်ခံရသည့် အတွက် ဆေးရုံတက် ဆေးကုသမှု ခံယူတေရကြောင်းလည်း သိရသည်။
“သူတို့ လူကို လာဖမ်းတဲ့အချိန်က ပိုက်ဆံနဲ့ ပြန်လာရွေးတဲ့၊ ဘယ်နေရာလဲ ဆိုတာ ဖုန်းပြန်ဆက်မယ်ဆိုပြီး ပြောသွားတာ။ အဲ့တာကြောင့် အြန်ပေးဆွဲလို့ပြောတိုင်တာ။ ဒါပေမဲ့ ဒီနေ့အထိတော့ ဘာမှမကြားရသေးဘူး။ ဆေးရုံရောက်နေတဲ့သူကရောက်၊ ဖမ်းခေါ်သဠားတဲ့ သူကလည်း ဘယ်နေမှန်းမသိတော့ စိုးရိမ်ရတာပေါ့” ဟု အထပ်ပါ အမျိုးသားက သျှမ်းသံတော်ဆင့်ကို ဆက်ပြောသည်။
စစ်တပ်မှ နိုင်ငံတော် အာဏာ သိမ်းယူပြီး နောက်ပိုင်း မူဆယ်မြို့အတွင်း ပြန်ပေးဆွဲမှု မကြာခဏ ဖြစ်ပွားလေ့ရှိပြီး သက်ဆိုက်ရာ တာဝန်ရှိသူများကလည်း အရေးယူမှု မပြုလုပ်နိုင်ကြကြောင်း သိရသည်။
အလားတူပင် ယမန်နေ့ နိုဝင်ဘာလ ၂၈
က်နေ့၌ မူဆယ်မြို့ ကောင်းမူးတုံ ရပ်ကွက် ၊ ပန်လုံမိုင်ရပ်မှ အမျိုးသား တစ်ဦးသည် အမျိူးသမီးဖြစ်သူကို သေနတ်ဖြင့် ပစ်သတ်သည့်ဖြစ်စဉ် ဖြစ်ပွား ခဲ့ကြောင်း သိရသည်။
“သေနတ်က ဦးခေါင်းတည့်တည့် ပစ်တာ။ ပွဲချင်းပြီး သေသွားတာ။ ဘာကြောင့် ပစ်လဲ မသိဘူး။ ပြီးတော့ သေနတ်က သူ့ဟာလား၊ သူများဆီကလား ဆိုတာ မေးကြည့်နေတုန်းပဲ။ ” ဟု အိမ်နီးချင်း အမျိုးသားက သျှမ်းသံတော်ဆင့်ကို ပြောသည်။
မူဆယ်မြို့သည် မြန်မာ – တရုတ် နယ်စပ်မြို့ ဖြစ်သည့်အတွက် လူမျိုးပေါင်းစုံ ဝင်ထွက်သွားလာသည့်ဒေသဖြစ်သည့် အပြင် တရားမဝင်လုပ်ငန်းများ၊ မူးယစ်ဆေးဝါးရောင်းဝယ်မှုများ နှင့် လောင်းကစားဝိုင်းများ ပေါများရာလည်း ဖြစ်သည်။
ဒေသအတွင်း သက်ဆိုင်သည့် တာဝန်ရှိသူများသည် ပြည်သူများ၏ လုံခြုံရေး နှင့် ဘေးကင်းလုံခြုံမှုကို အရေးယူ ဆောင်ရွက်ပေးမှု မရှိကြသည့်အတွက် ဒေသခံများမှ ပြောဆိုဝေဖန်နေကြသည်။
Leave a Comments