Saturday, July 20, 2024

နမ့်ခမ်းမြို့နယ်ရှိ ကျားဖြန့်ငွေလိမ်ဂိုဏ်းကို SSPP/SSA ဖမ်းဆီးတရုတ်အစိုးရထံ လွှဲအပ်

Must read

သျှမ်းပြည် မြန်မာ-တရုတ်နယ်စပ် နမ့်ခမ်းမြို့နယ် အတွင်း ရှမ်းပြည်တိုးတက်ရေးပါတီ၊ ရှမ်းပြည်တပ်မတော် (SSPP/SSA) ထိန်းချုပ်နယ်မြေတွင် ငွေလိမ်လည်ဂိုဏ်းတစ်ခုကို ဖမ်းဆီးခဲ့ပြီး တရုတ်အစိုးရထံ လွှဲပြောင်းခဲ့ကြောင်း စုံစမ်းသိရသည်။

နမ့်ခမ်း ကျားဖြန့်လုပ်ကိုင်သည့် တရုတ် SSPP မှ တရုတ်အစိုးရလွှဲပြောာင်းပေးနေစဥ်

ပြီးခဲ့သည့် နိုဝင်ဘာ ၂၃ရက်တွင် SSPP/SSA ထိန်းချုပ်သည့် နယ်မြေအတွင်း အဆောက်အဦးတစ်ခု၌ ကျားဖြန့် လုပ်ကိုင်သည့် ဂိုဏ်တစ်ခုတွင် တရုတ်နိုင်ငံသား (၈၈)ဦးနှင့် မြန်မာနိုင်ငံသား (၂၈)ဦး စုစုပေါင်း (၁၁၆)ဦးကို ဖမ်းဆီးမိ ခဲ့ကြောင်း SSPP ၏ ထုတ်ပြန်ချက်အရသိရသည်။

“တရုတ်နိုင်ငံသား (၈၈)ဦး ကို တရုတ်အစိုးရထံလွှဲပြောင်းပေးခဲ့ပြီး ကျန်ရှိတဲ့ မြန်မာနိုင်ငံသား (၂၈)ဦး ကို SSPP မှ အမှုစစ်ဆေးပြီး ဆက်လက်ဆောင်ရွက်သွားမယ်” ဟု SSPP က ပြောသည်။

တရုတ်-မြန်မာနယ်စပ်ရှိ ကျားဖြန့် အွန်လိုင်းငွေလိမ်ဂိုဏ်းများသည် ယခင်က မကြာခဏဆိုသလို တရုတ်-မြန်မာ ပူးပေါင်းဖမ်းစီးခဲ့သော်လည်း ၎င်းလုပ်ငန်းများ လျော့ကျလာခြင်းမရှိခဲ့ပေ။

ရှမ်းပြည်တိုးတက်ရေးပါတီ၊ ရှမ်းပြည်တပ်မတော် SSPP/SSA သည်လည်း ၎င်း၏ အုပ်ချုပ်ရေးနယ်မြေ အတွင်း တရားမဝင်သည့် အွန်လိုင်းငွေလိမ်လုပ်ငန်းများ လုံးဝမရှိစေရေးအတွက် တားဆီးနှိမ်နင့်သွားမည်ဟုလည်း ပြောဆိုထားသည်။

Leave a Comments

- Advertisement -spot_img

Latest article