လောက်ကိုင်နှင့်ချင်းရွှေဟော် မြို့အတွင်း တိုက်ပွဲများကြောင့် ထွက်ပြေးလာသည့် စစ်ရှောင် ၃ထောင်ကျော်သည် သျှမ်းပြည် အရှေ့ပိုင်း မိုင်းယန်းထိရောက်ရှိလာကြောင်း စုံစမ်းသိရသည်။
သျှမ်းပြည် မြောက်ပိုင်း လောင်ကိုင်နှင့်ချင်းရွှေဟော်မြို့တို့မှထွက်ပြေးတိမ်းရှောင်လာသည့် စစ်ဘေးရှောင် ၃ထောင်ကျော်သည် ယမန်နေ့ (နိုဝင်ဘာ ၁၅)ရက်တွင် ကုန်တင်ကားဖြင့် မိုင်းယန်းမြို့သို့ ရောက်ရှိလာကြောင်း စစ်ဘေးရှောင်ကို သွားရောက်ကူညီသူများက သျှမ်းသံတော်ဆာင့် ကိုပြောသည်။
” မနေ့က ၃ထောင်ကျော်ရောက်လာတယ်။ ဒီနေ့ ၅၀၀ ကျော်လောက်ထပ်ရောက်မယ်။ ကုန်တင်ကားနဲ့ လာကြတာ” ဟု သွားရောက်ကူညီသည့် အမျိုးသမီး တစ်ဦးက ပြောသည်။
မိုင်းယန်းမြို့သို့ ရောက်ရှိလာသည့် စစ်ဘေးရှောင်များကို ကျိုင်းတုံမြို့မှတဆင့် တောင်ကြီးမြို့သို့ ထပ်မံပို့ဆောင် သွားမည်ဖြစ်ကြောင်း သိရသည်။
သျှမ်းပြည် လောက်ကိုင်မြို့တွင် အနီးတဝှိက် စစ်ကောင်စီနှင့် ညီနောင်မဟာမိတ် (၃)ဖွဲ့တို့ စစ်ရေး ပြင်းထန်နေပြီး၊ လက်ရှိ ပိတ်မိနေသည့် ပြည်သူများသည် ဆန်ပြတ်လပ်မှု၊ ခေါက်ဆွဲခြောက် ရှားပါးမှု စတင်ကြုံတွေ့နေရကြောင်း သိရသည်။
Leave a Comments