သျှမ်းပြည် လားရှိုးမြို့တွင် စစ်ကောင်စီက မြို့အတွင်းနေထိုင်နေသည့် အရပ်သားများကို MNDAA ၊ TNLA နှင့်（SSPP/SSA) စစ်ဝတ်စုံများကို ချုပ်ခိုင်းနေကြောင်း The Kokang တွင်ထုတ်ပြန်ထားသည်။
စစ်ကောင်စီမှ ပြည်သူလူထုများအပေါ် စစ်ရာဇဝတ်မှုများကျူးလွန်ပြီး MNDAA ၊ TNLA နှင့် (SSPP/SSA) အပေါ်စွတ်စွဲချက် ကြံစည်နိုင်ကြောင်းခန့်မှန်းသုံးသပ်ပြီး၊ ပြည်သူများလူထုများ အပေါ်နှင့် သတိရှိရှိ နေထိုင် ကြရန် တိုက်တွန်ထားပါသည်။
စစ်ကောင်စီတပ်မှ အာဏာသိမ်းပြီး ၂ နှစ် ကာလ အတွင်းတွင် ပြည်သူလူထုတို့၏နေအိမ်များကို မီးရှို့ဖျက်ဆီး ခြင်း၊ ဖမ်းဆီးသတ်ဖြတ်ခြင်း၊ လူသား ဒိုင်းကာလုပ်ခြင်း စသည့် စစ်ရာဇဝတ်မှုများကို ကျူးလွန်ခဲ့ကြ သည်။
စစ်ကောင်စီဘက်မှ စစ်ရေးရှုံးနှိမ့်များနှင့် ဆက်တိုက်ရင်ဆိုင်နေရခြင်းကြောင့် ရှုံးမဲမဲ၍ အရပ်သားများ အပေါ် စစ်ရာဇဝတ်မှုများချိုးဖောက်နိုင်သည့်အတွက်ကြောင့် ပြည်သူလူထု တစ်ရပ်လုံးအနေဖြင့် အထူးသတိထားရန် မေတ္တာရပ်ခံကြောင်း The Kokang မှထုတ်ဖော်ပြထားပါသည်။
ထို့အတူ သျှမ်းပြည် လားရှိုးခရိုင်ရှိ ကွမ်းလုံမြို့အား အပြီးအပိုင် သိမ်းပိုက်နိုင်ခဲ့ကြောင်း ညီနောင်မဟာမိတ်အဖွဲ့မှ ကိုးကန့်တပ်ဖွဲ့ MNDAA က နိုဝင်ဘာလ ၁၂ ရက်တွင် ကိုးကန့်မီဒီယာမှတဆင့် သတင်းထုတ်ထားကြောင် သိရသည်။
ကိုးကန့်တပ်ဖွဲ့ MNDAA က ထိုးစစ်ဆင် တိုက်ခိုက်ခဲ့သည့် သံလွင်မြစ် အရှေ့ဘက်ခြမ်းရှိ ကွမ်းလုံမြို့ကို အလုံးစုံ ထိန်းချုပ်ထားနိုင်ပြီး သံချပ်ကာယာဉ်နှင့် လက်နက်ခဲယမ်း အများအပြားကို သိမ်းဆည်းနိုင်ခဲ့ပြီး သံလွင်မြစ် အနောက်ဘက်ရှိ စစ်ကောင်စီ၏ ဗျူဟာကုန်း တပ်စခန်းကိုလည်း (နိုဝင်ဘာ ၁၀ ရက်) က သိမ်းပိုက်ခဲ့ကြောင်း သတင်းထုတ်ပြန်ထားသည်။
