သျှမ်းပြည်မြောက်ပိုင်းတွင် ဖြစ်ပွားနေသည့် ပြဿနာ၏ အစမှာ မူးယစ်ဆေးဝါး ပြဿနာပင်ဖြစ်ပြီး မူးယစ်ဆေးဝါး အမြတ်ပြတ်နှိမ်နင်းရေးကို ထိထိရောက်ရောက် ဆောင်ရွက်မည်ဟု အမျိုးသားကာကွယ်ရေး နှင့် လုံခြုံရေး ကောင်စီ (ကာလုံ) အစည်းအဝေးမှာ သတင်းထုတ်ပြန်ထားသည်။
အောက်တိုဘာလ ၂၇ ရက်မှစတင်ပြီး သျှမ်းမြောက်ဒေသရှိ စစ်ကောင်စီ တပ်စခန်းများကို ညီနောင်မဟာမိတ်သုံးဖွဲ့ နှင့်အတူ ပူးပေါင်းမဟာမိတ်တို့က တပြိုင်တည်း ဝင်ရောက်တိုက်ခိုက်ပြီး လဝက်နီးပါးအကြာမှာ စစ်တပ်စခန်းနှင့် တပ်သား အများအပြား သေဆုံး၊ ဆုံးရှုံးရသည့်နောက် ယခုလို ကာလုံအစည်းအဝေးခေါ်ယူ ရခြင်းဖြစ်သည်။
အစည်းအဝေးတွင် စစ်ကောင်စီ တင်မြှောက်ထားသည့် ယာယီသမ္မတ ဦးမြင့်ဆွေ အပြင် ဦးဟင်နရီဗန်ထီးယူ၊ ပြည်သူ့လွှတ်တော် ဉက္ကဌ ဦးတီခွန်မြတ် တို့လည်း တက်ရောက်ခဲ့သည်။
ယာယီသမ္မတ ဦးမြင့်ဆွေက လက်ရှိဖြစ်ပွားနေသည့် နယ်စပ်ဒေသ တိုက်ပွဲ နှင့် ပတ်သက်၍ တပ်မတော်အနေဖြင့် ယခုကဲ့သို့ စွမ်းစွမ်းတမံမဆောင်ရွက်ပါက တိုင်းပြည်အစိပ်စိပ် အမြွာမြွာကွဲသွားနိုင်ကြောင်း၊ တစ်နိုင်ငံလုံးက တပ်မတော်ကို ထောက်ခံအကူအညီပေးရန် လိုအပ်ကြောင်းနှင့် တပ်မတော်အနေဖြင့် အသက်စွန့်တာဝန် ထမ်းဆောင် ကာကွယ်နိုင်ခဲ့သည့်အတွက် ယခုကဲ့သို့ အတိုင်းအတာ တစ်ခုအထိ တည်ငြိမ်မှုရရှိနေခြင်း ဖြစ်ကြောင်း ပြောကြားခဲ့သည်။
သို့သော်လည်း သျှမ်းမြောက်ဒေသတွင် တိုက်ပွဲဆက်လက် ဖြစ်ပွားနေလျက်ပြီး စစ်ကောင်စီဘက်မှ လေကြောင်းဖြင့် ဗုံးကြဲတိုက်ခိုက်မှု ပြုလုပ်နေသလို လက်နက်ကြီးဖြင့် ရမ်းသမ်းပစ်ခတ်မှုကြောင့် အရပ်သား ထိခိုက်သေဆုံးမှု ဦးရေ တနေ့တခြားတိုးလာနေသည်။
သို့သော်လည်း သျှမ်းမြောက်ဒေသတွင် လက်ရှိအချိန်ထိ တိုက်ပွဲဆက်လက်ဖြစ်ပွားနေလျက်ရှိပြီး စစ်ကောင်စီဘက်မှ လေကြောင်းဖြင့် ဗုံးကြဲတိုက်ခိုက်မှု ပြုလုပ်နေခဲ့သလို နေ့စဉ်နီးပါး လက်နက်ကြီးဖြင့် ရမ်းသမ်းပစ်ခတ်မှုကြောင့် အရပ်သား ထိခိုက်သေဆုံးမှု ဦးရေကလည်း တနေ့တခြားတိုးလာနေသည်။
