သျှမ်းပြည် နောင်ချိုမြို့နယ်ရှိ စစ်မှူထမ်းဟောင်းများကို စစ်ကောင်စီတပ်ဖွဲ့မှ လိုက်လံရှာဖွေပြီး တစ်ရက်လျှင် ကျပ်ငွေ ၂ သောင်းဖြင့် ပြန်လည်ခေါ်ယူနေကြောင်း ဒေသခံတစ်ဦးက ပြောသည်။
ပြီးခဲ့သည့် (အောက်တိုဘာလ ၂၈ ရက်) ရက်မှစပြီး နောင်ချိုမြို့နယ်ရှိ စစ်မှူထမ်းဟောင်းများကို စစ်ကောင်စီတပ်ဖွဲ့မှ လိုက်လံရှာဖွေပြီး တစ်ရက်လျှင် ကျပ်ငွေ ၂ သောင်းဖြင့် ပြန်လည်ခေါ်ယူနေသဖြင့် တချို့မှာထွက်ပြေး တိမ်းရှောင်နေရကြောင်း စစ်မှူထမ်းနှင့်နီးစပ်သူ အမျိုးသားတစ်ဦးက ပြောသည်။
“ နောင်ချိုမှာ စစ်မှူထမ်းဟောင်းတွေ ပြန်လိုက်ခေါ်နေတယ်။ တစ်ရက်ကို ကျပ်ငွေ ၂ သောင်းပေးမယ်လို့ ပြောတယ်။ တချို့လည်း မသွားချင်လို့ ဘုန်းကြီးကျောင်းအထိ သွားပုန်းနေရတယ် “ ဟု ၎င်းအမျိုးသားတစ်ဦးက ပြောသည်။
အလားတူ ယမန်နေ့ (အောက်တိုဘာလ ၃၀ ရက်) နံနက်အစောပိုင်းတွင်လည်း ပြင်ဦးလွင်-နောင်ချိုအကြား ကျောက်ကြမ်းကျေးရွာရှိ စစ်တပ်စခန်းကို တအာင်း (ပလောင်) အမျိုးသား လွတ်မြောက်ရေးတပ်မတော် (TNLA) နှင့် ပြည်သူ့ကာကွယ်ရေးတပ်မတော် (မန္တလေး) MDY-PDF တို့ ဝင်ရောက်တိုက်ခိုက်ခဲ့ကြောင်း သိရသည်။
ထို့အပြင် ပြင်ဦးလွင်-နောင်ချို-ကျောက်မဲ ပြည်ထောင်စုကားလမ်မပေါ်ကို လက်ရှိအချိန်ထိ ဖြတ်သန်းသွားလာခွင့် ပိတ်ပင်ထားလျက်ရှိသည်။
Leave a Comments