သျှမ်းပြည် နမ့်ခမ်းမြို့နယ်အတွင်း ဒီနေ့ အောက်တိုဘာ (၂၇) ရက် မနက်ပိုင်းက PSLF/TNLA မှ စစ်ကောင်စီ တပ်စခန်း (၃) ခုကို ဝင်ရောက် တိုက်ခိုက် သိမ်းပိုက်နိုင်ခဲ့ပါတယ်။
လားရှိုးမြို့နယ်ရှိ တပ်မဟာ (၆) စစ်ဒေသ က မိုင်းကျက်တပ်စခန်း နဲ့ တိန်တန်တပ်စခန်းတွေကိုလည်း တအာင်း (ပလောင်) အမျိုးသားလွတ်မြောက်ရေးတပ်မတော် ( TNLA) က တိုက်ခိုက်ခဲ့ပါတယ်။
စစ်ကောင်စီဟာ အောက်တိုဘာ (၂၇) ရက် တရက်တည်းမှာပဲ လေကြောင်းတိုက်ခိုက်မှု ဂျက်ဖိုက်တာ (၇) ကြိမ်၊ Mi – 35 တိုက်ခိုက်ရေး ရဟတ်ယာဥ် (၅) ကြိမ် နဲ့ ၁၂၀/၁၀၅ ဟောင်ဝေဇာအမြောက် နဲ့ (၁၂) ကြိမ် ပစ်ခတ်တိုက်ခဲ့တယ်လို့ PSLF/TNLA က ထုတ်ပြန်ထားပါတယ်။
တိုက်ပွဲအတွင်း စစ်ကောင်စီ အလောင်း (၂၈) လောင်း နဲ့ လက်နက်ခဲယမ်း အများအပြား သိမ်းဆည်းရမိခဲ့ပါတယ်။ ကျည်ဆံ ၁ သောင်းကျော် အပါအဝင် စစ်အသုံးအဆောင် ပစ္စည်းတွေကိုလည်း သိမ်းဆည်းရမိခဲ့ပါတယ်။
Leave a Comments