သျှမ်းပြည် ကွန်ဟိန်းမြို့နယ် တွင် အမျိုးသမီးတစ်ဦး အွန်လိုင်းတွင် မှားထာသည့် ပစ္စည်းသွားယူရင်း ဓားထိုးသွင်းဒဏ်ရာဖြင့်သေဆုံးနေသည့် အလောင်းကို တွေရှိကြောင်း သတင်းရရှိသည်။
ဖြစ်စဥ်မှာ အောက်တိုဘာ ၁၀ရက် တွင် ကွန်ဟိန်းမြို့နယ် ကာလိမြို့တွင်နေထိုင်သည့် နန်းလူဆိုသည့် အမျိုးသမီးသည် အွန်လိုင်းတွင် မှာထားသည့်ပစ္စည်း သွားယူမည်ဟုဆိုပြီး ကွန်ဟိန်းမြို့သို့ ကားဖြင့်ထွက်သွားခဲ့ပြီး ပျောက်ဆုံးသွားခဲ့သည်။
ထို့နောက် အောက်တိုဘာ ၁၁ရက် တွင် ကွန်ဟိန်းမြို့ မဟာကမ္ဘောဇ ပြည်ငြိမ်းအေးစေတီ အတက်လမ်းစောင်းတန်းတွင် နန်းလူ၏ ခန္ဓာကိုယ် ဓားထိုးဒဏ်ရာဖြင့် သေနေသည့် ရုပ်အလောင်းကို ဘုရားဖူးများက တွေ့ခဲ့ကြောင်း ကွန်ဟိန်းဒေသခံအမျိုးသား တစ်ဦးက သျှမ်းသံတော်ဆင့်ကို ပြောသည်။
“ ကွန်ဟိန်း တောင်ပေါ်ဘုရားတက်တဲ့ စောင်းတန်းရဲ့ ဘယ်ဘက်မှာ နန်းလူရဲ့ အလောင်းကိုတွေ့တာ။ဓားထိုးဒဏ်ရာတွေ နဲ့ပဲ” ဟု ၎င်းဒေသခံက ဆက်ပြောသည်။
အဆိုပါ အမျိုးသမီး အလောင်းကိုတွေ့ချိန်တွင် ရင်ဘက်နှင့်ဝမ်းဗိုက်တဝိုက် ဓားထိုးသွင်းဒဏ်ရာ (၁၀)ချက်ကျော်ရှိကြောင်း သိရသည်။
လက်ရှိအချိန်ထိ သေဆုံးသူ၏ ကားပျောက်ဆုံးနေသေးကြောင်း၊ သေဆုံးမှုနှင့်ပတ်သက်ပြီး ရဲစခန်းကို အမှုဖွင့် တရားစွဲဆိုထားကြောင်း သိရသည်။
