Friday, June 14, 2024

မိုးဗြဲမြို့ကျေးရွာအနီးရှိ စစ်ကောင်စီစခန်းတခုကို တော်လှန်ရေးပူးပေါင်းတပ်ဖွဲ့ ဝင်ရောက်တိုက်ခိုက်

Must read

သျှမ်း-ကရင်နီ (ကယား) ပြည် နယ်စပ် မိုးဗြဲမြို့၊ ဒုန်းဒူထန်ရွာရှိ ရထားသံလမ်းအနီး တပ်စွဲထားသော စစ်ကောင်စီ စခန်းတခုကို တော်လှန်ရေးပူးပေါင်းတပ်ဖွဲ့မှ ဝင်ရောက်တိုက်ခိုက်ခဲ့ကြောင်း ဒီးမော့ဆို ပြည်သူ့ကာကွယ်ရေးတပ် DMO-PDF မှ ယနေ့ (အောက်တိုဘာ ၁၀) ရက်တွင် ထုတ်ပြန်ထားသည်။

မိုးဗြဲ PDF

ယမန်နေ့ (အောက်တိုဘာလ ၉ ရက်) နံနက်ပိုင်း ၆ နာရီဝန်းကျင်မှစပြီး မိုးဗြဲမြို့ ဒုန်းဒူထန်ရွာရှိ ရထားသံလမ်းအနီးတွင် တပ်စွဲထားသော စစ်ကောင်စီစခန်းတခုကို တော်လှန်ရေး ပူးပေါင်းတပ်ဖွဲ့မှ ဝင်ရောက်တိုက်ခိုက်ခဲ့သဖြင့် ၂ နာရီခန့် ကြာအောင်အပြန်အလှန်ပစ်ခတ်ခဲ့ပြီး တိုက်ပွဲဖြစ်ပွားခဲ့ကြောင်း ထုတ်ပြန်ချက်၌ ရေးသားဖော်ပြထားသည်။

အဆိုပါ တိုက်ပွဲနှင့်ပတ်သက်ပြီး သျှမ်းသံတော်ဆင့်မှ တော်လှန်းရေး ပူးပေါင်းတပ်ဖွဲ့များထံသို့ ဆက်သွယ် မေးမြန်းဖို့ကြိုးစာခဲ့ရာ မြေပြင်ဖုန်းလိုင်းအခက်ခဲ့ကြောင့် ဆက်သွယ်၍မရခဲ့ပေ။

မိုးဗြဲPDF

ဒီးမော့ဆို့ ပြည်သူ့ကာကွယ်ရေးတပ် DMO-PDF ၏ ထုတ်ပြန်ချက်အရ “ တိုက်ပွဲဖြစ်ပွားချိန် မိနစ်ပိုင်းအတွင်းမှာပင် အကြမ်းဖက် စစ်ကောင်စီမှ လက်နက်ကြီးများစွာ ပစ်ကူခြင်းနှင့် ၎င်းတို့တပ်ဖွဲ့ထံ အချိန်မှီစစ်ကူများ ရောက်လာသောကြောင့် တပ်စခန်းအား မသိမ်းပိုက်နိုင်ဘဲ မိမိတို့တပ်ဖွဲ့မှ ပြန်လည်ဆုတ်ခွာခဲ့သည် “ ဟု ရေးသားဖော်ပြထားသည်။

ယင်းတိုက်ပွဲကြောင့် တော်လှန်ရေး ပူးပေါင်းတပ်ဖွဲ့ဝင် မိုးဗြဲ PDF မှ ရဲဘော် ၁ ဦးကျဆုံးပြီး ၃ ဦးထိခိုက်ဒဏ်ရာကြောင်း ဆိုသည်။

မိုးဗြဲ PDF

အလားတူ စစ်ကောင်စီဘက်မှ ထိခိုက်သေဆုံးမှုများ ရှိနိုင်ပြီး တော်လှန်ရေး ပူးပေါင်းတပ်ဖွဲ့မှ အတည်ပြုနိုင်ရန် စုံစမ်းနေဆဲကြောင်း ထပ်လောင်းပြောထားသည်။

ထို့အပြင် တပ်စခန်းတွင် စစ်ကောင်စီနှင့်အတူ ကယန်းအမျိုးသားကာကွယ်ရေးတပ် (KNG) တို့ပူးပေါင်းပြီး တပ်စွဲနေထိုင်လျက်ရှိကြောင်း တော်လှန်ရေး ပူးပေါင်းတပ်ဖွဲ့မှ စုံစမ်းထားချက်အရ သိရှိရပြီး၊ စစ်ကောင်စီနှင့် ပူးပေါင်းသည့် KNG အား အရေးယူမည်ဟု KNDF မှ မတ်လ ၆ ရက်၌ ထုတ်ပြန်ကြေညာခဲ့သည်။

မိုးဗြဲမြို့ရှိ တိုက်ပွဲသည် ၃ လကျော်ကြာ ငြိမ်သက်လာခဲ့ရာမှ ယခုလို စစ်ကောင်စီတပ်စခန်းအား တော်လှန်ရေး ပူးပေါင်းတပ်ဖွဲ့များ ဝင်ရောက်တိုက်ခိုက်သောကြောင့် တိုက်ပွဲပြန်လည် ဖြစ်ပွားခဲ့သည်။

Leave a Comments

- Advertisement -spot_img

Latest article