ထိုင်းနိုင်ငံအတွင်း ယာဉ်စည်းကမ်း၊ လမ်းစည်းကမ်းဆိုင်ရာ ဉပဒေအသစ်ကြေညာ

ထိုင်းနိုင်ငံအတွင်း ယာဉ်စည်းကမ်း၊ လမ်းစည်းလမ်းဆိုင်ရာ ဉပဒေများနှင့် ပတ်သက်၍ မလိုက်နာသူများကို ယခင်ကထက် ပိုမိုတင်းကြပ် စစ်ဆေးမေးမြန်းမှုပြုလုပ်ပြီး အရေးယူသွားမည်ဟု ထိုင်းအစိုးရ ကြေညာချက်အရ သတင်းသိရသည်။

.

ယခု စက်တင်ဘာလပိုင်းမှစပြီး ထိုင်းနိုင်ငံ ယာဉ်စည်းကမ်း၊ လမ်းစည်းကမ်းဆိုင်ရာ ဉပဒေစောင့်ကြည့် လေ့လာသည့် ဌာနမှ ကြေညာခဲ့ခြင်းဖြစ်ပြီး ယာဉ်မောင်းလိုင်စင်မရှိပါက ဘတ်ငွေ ၁၀၀၀ နှင့် ထောင်ဒဏ် ၂ နှစ် ချမှတ်လိုက်မည်ဖြစ်ပြီး ယာဉ်မောင်းလိုင်စင် သက်တမ်းကုန်ဆုံးပြီး မောင်းနှင်ပါက ဘတ်ငွေ ၂၀၀၀ ပေးဆောင်ရမည်ဟု ကြေညာထားသည်။

အလားတူ ယာဉ်မောင်း ဉပဒေ နှင့် ပတ်သက်ပြီး ဆက်စပ်၍ လမ်းမပေါ်ရှိ ရေအိုင်များ မရှောင်ဘဲ မောင်းနှင်ကာ တခြားသူကို စင်မိပါက ထိုင်းဘတ် ၁ သောင်းနှင့် ထောင်ဒဏ် ၃ နှစ်ချမှတ်ခံရမည် ဖြစ်သလို လမ်းမပေါ် ရှိ ခွေး၊ ကြောင်များကို ယာဉ်ဖြင့်တိုက်မိပါက ဘတ် ၄ သောင်းနှင့် ထောင်ဒဏ် ၂ နှစ် ချမှတ်ခံရမည် ဖြစ်သည်။

“ ဒီလ ၂၅ ရက် ကစပြီး ထိုင်းအစိုးရကနေ တရုတ်ခရီးသွား နိုင်ငံသားတွေကို (Free Visa) ပေးပြီး ဝင်ခိုင်းမယ်။ အဲ့ကြောင့် ထိုင်းနိုင်ငံထဲကို ဝင်လာမယ့်သူ လူဦးရေတွေ များလာတာကြောင့် ယာဉ်စည်းကမ်း၊ လမ်းစည်းကမ်းနဲ့ ပတ်သက်ပြီး ဉပဒေ အသစ်ထုတ်ပြန်မယ်လို့ ကြေညာခဲ့တာ။ ဒါ့ကြောင့် ကျနော်တို့ မြန်မာလုပ်သားတွေ အသွားအလာ၊ သတိထားဖို့ လိုအပ်တယ် “ ဟု ချင်းမိုင်မြို့ နယ်ရှိ မြန်မာလုပ်သားအရေး ဆောင်ရွက်သူတစ်ဦးက ပြောသည်။

ထိုသို့ သတ်မှတ်ထားသည့် ဉပဒေအတိုင်း မလိုက်နာဘဲ ဆက်လက်ယာဉ်မောင်းနှင်ခြင်း ပြုလုပ်ပါက ဘတ်ငွေ ၄၀၀၀ နှင့် ထောင်ဒဏ် (၂) နှစ် ချမှတ်ခံရမည် ဖြစ်ကြောင်းလည်း ကြေညာခဲ့သည်။

ထို့အပြင် ထိုင်းနိုင်ငံအတွင်း အထောက်အထားမရှိဘဲ နေထိုင်သူများကို ဆက်လက် စစ်ဆေးသွားမည် ဖြစ်ကြောင်းလည်း သိရသည်။