ပြည်ပြေး ထိုင်းနိုင်ငံ ဝန်ကြီးချုပ်ဟောင်း သက်ရှင် ရှင်နဝပ်သည် ထိုင်းနိုင်ငံသို့ တရားဝင် ပြန်လည်ရောက်ရှိလာပြီး ထိုင်းနိုင်ငံ အထူးတရားရုံးမှ ထောင်ဒဏ် (၈) နှစ် ချမှတ်ခဲ့ကြောင်း သတင်းရရှိသည်။
.
ယနေ့ ( သြဂုတ် ၂၂) ရက် ဒေသစံတော်ချိန် မနက် (၉) နာရီကျော်က ကိုယ်ပိုင်ဂျက်လေယာဥ်ဖြင့် ထိုင်းနိုင်ငံ အပြည်ပြည်ဆိုင်ရာ ဒွန်းမောင်းလေဆိပ်သို့ ရောက်ရှိလာပြီးနောက် ၎င်းကို ထောက်ခံသူများ အပါအဝင် မိသားစုဝင်များ လာရောက် စောင့်ကြိုပြီးနောက် အထူးတရားတရားရုံးသို့ သွားရောက်ပြီး အမိန့်နာခံခဲ့ကြောင်း သိရသည်။
ထိုင်းနိုင်ငံ ဝန်ကြီးချုပ်ဟောင်း သက်ရှင် ရှင်နဝပ်ကို အထူးတရားရုံးမှ စွဲချက် (၃) ခုဖြင့် တရားစွဲဆိုထားပြီး ၎င်းတို့သည် အာဏာအလွဲသုံးစားလုပ်မှု၊ နိုင်ငံခြား ချေးငွေထုတ်ပေးဖို့ နိုင်ငံတော်ဘဏ်ကို တရားမဝင် အမိန့်ပေးစေခိုင်းမှု နှင့် အမည်စာရင်းတင်သွင်းသူများမှ တဆင့် အစုရှယ်ယာများကို တရားမဝင် ကိုင်ဆောင်ခြင်းတို့ကြောင့် ထောင်ဒဏ် (၈) နှစ် ချမှတ်ခဲ့ခြင်းကြောင့် သိရသည်။
အသက် (၇၄) နှစ်ရှိပြီ ဖြစ်သည့် သက်ရှင်သည် ပြည်ပနိုင်ငံသို့ (၁၇) နှစ်ကြာ နေထိုင်ခဲ့ပြီးနောက် ပြန်လည်ရောက်ရှိလာပြီး ဒီနေ့ ထိုင်းနိုင်ငံ အထက်လွှတ်တော်မှာ သက်ရှင် ဦးဆောင်သည့် ဖွေး
ထိုင်း (Pheu Thai) ပါတီသည် ဝန်ကြီးချုပ်ဝင်ရောက် ရွေးချယ်မည့်နေ့လည်း ဖြစ်ကြောင်း သိရသည်။
သက်ရှင် ရှင်နဝပ်သည် နိုင်ငံတွင်းမှ ကာလရှည်ကြာ ကင်းကွာနေခဲ့သော်လည်း ထိုင်းနိုင်ငံ၏ ဩဇာအရှိဆုံး နှင့် အငြင်းပွားဖွယ်ရာ နိုင်ငံရေးသမား တစ်ဦးလည်း ဖြစ်သည်။
Leave a Comments