ရွှေတြိဂံ ဒေသမှ မဲခေါင်မြစ်ကို လှေဖြင့်ဖြတ်ပြီး ထိုင်းနိုင်ငံ အယုဒ္ဓယမြို့သို့ ပို့ဆောင်မည့် စိတ်ကြွဆေးပြား ၆ သန်းကို ထိုင်းအာဏာပိုင်များက သိမ်းဆည်းရမိကြောင်း သတင်းရရှိသည်။
သြဂုတ် ၁၄ ရက်တွင် ထိုင်းနိုင်ငံ အယုဒ္ဓယမြို့သို့ ပို့ဆောင်မည့် စိတ်ကြွဆေးပြား ခိုးသယ်လာသည့် ၆ ဘီးကားကိုဖယာအိုခရိုင်တွင် ထိုင်းမူးယစ်ဆေးနှိမ်နင်းရေးအဖွဲ့က မသင်္ကာသဖြင့် စစ်ဆေးကာ ဖမ်းဆီးရမိခြင်း ဖြစ်ကြောင်း Maesai Press တွင် ရေးသားထားသည်။
အဆိုပါ စိတ်ကြွဆေးပြား သယ်ဆောင်လာသည့် သူသည် အသက် ၄၂ နှစ်အရွယ်သာရှိပြီး စိတ်ကြွဆေးပြား ကို ဓာတ်မြေသြဇာအိတ်ဖြင့် ခိုးသည်လာကြောင်း သိရသည်။
ထို ဓာတ်မြေဩဇာ အိတ်တစ်အိတ်စီတွင် စိတ်ကြွဆေး မက်သဖက်တမင်း ၂ သိန်းပါ အိတ်ငယ် ၂ အိတ် ထည့်သွင်းထားပြီး တစ်ကားလုံးက အိတ်တွေကို စစ်ဆေးချက်အရ စုစုပေါင်း စိတ်ကြွဆေး ၆ သန်း အထိကို ဖမ်းဆီးရမိခဲ့ကြောင်းသည်။