ထိုင်းနိုင်ငံ ဝန်ကြီးချုပ် ပရာယွတ် ဟာ နိုင်ငံရေးကနေ အနားယူတော့မယ်လို့ ဇူလိုင် (၁၁) ရက်နေ့က ထိုင်းမီဒီယာတွေက ထုတ်ပြန်ထားပါတယ်။
ဝန်ကြီးချုပ် ပရာယွတ်ဟာ ၂၀၁၄ ခုနှစ်ကတည်းက ထိုင်းနိုင်ငံကို အာဏာသိမ်းယူပြီး ဝန်ကြီးချုပ် တာဝန်ကို (၉) နှစ်ကြာ ထမ်းဆောင်ခဲ့သူ ဖြစ်ပါတယ်။
ပရာယွတ်အနေနဲ့ United Thai Nation Party ရဲ့ ပါတီဝင်အဖြစ်ကနေ နုတ်ထွက်ပြီး နိုင်ငံရေးကနေ အနားယူတော့မယ့်အကြောင်း၊ ပါတီခေါင်းဆောင်တွေ၊ အမှုဆောင်တွေ၊ ပါတီဝင်တွေအနေနဲ့ နိုင်ငံတော် ၊ ဘာသာ သာသနာ နဲ့ ဘုရင်စနစ်ကို ကာကွယ်ပြီး ထိုင်းပြည်သူတွေကို စောင့်ရှောက်ဖို့ဆိုတဲ့ ခိုင်မာတဲ့ ပါတီမူဝါဒတွေနဲ့ အတူ နိုင်ငံရေးကို ဆက်လက်လုပ်ဆောင်သွားကြဖို့ တိုက်တွန်းခဲ့ပါတယ်။
မေလက ကျင်းပခဲ့တဲ့ ထိုင်းရွေးကောက်ပွဲမှာ ပရာယွတ် ဝင်ရောက်ယှဥ်ပြိုင်တဲ့ United Thai Nation Party က လွှတ်တော်အမတ် (၃၆) နေရာသာ အနိုင်ရရှိခဲ့ပါတယ်။
နက်ဖန် ဇူလိုင် (၁၃) ရက်မှာ ထိုင်းနိုင်ငံ အထက်လွှတ်တော်ကနေ ဝန်ကြီးချုပ်နေရာကို လွှတ်တော်ကနေ ရွေးကောက်တင်မြောက် သွားမှာဖြစ်ပါတယ်။
လက်ရှိမှာ ထိုင်းဝန်ကြီးချုပ် ဖြစ်လာမယ်လို့ ရေပန်းစားနေသူကတော့ Move Forward Party ခေါင်းဆောင် ဖိထား လင့်ဂျရုန်းရတ် ဖြစ်ပြီး (ယခင် ဝန်ကြီးချုပ်ဟောင်း) သက်ဆင် ရှင်နဝပ်ရဲ့ သမီး ဖဲထောင်းထန်း ရှင်နဝပ် ဦးဆောင်တဲ့ Pheu Thai Party နဲ့ ယှဥ်ပြိုင်သွားရမှာဖြစ်တယ်လို့ နိုင်ငံရေး သုံးသပ်သူတွေက ပြောဆိုထားပါတယ်။
တကယ်လို့ Pheu Thai Party က ဝန်ကြီးချုပ်နေရာရသွားမယ်ဆိုရင်တော့ နယ်နှင်ဒဏ်ခံထားရတဲ့ ဝန်ကြီးချုပ်ဟောင်း သက်ဆက် ထိုင်းနိုင်ငံကို ပြန်လာတော့မယ်လို့လည်း သတင်းတွေထွက်နေပါတယ်။
