သျှမ်းပြည် မူဆယ်မြို့ တော်ရွက်ကုန်ဆင်းတွင် ၆ ဘီး ကားတစ်စီး နှင့် ဆိုင်ကယ်တစ်စီး တိုက်မိပြီး ဆိုင်ကယ်သမား တစ်ဦးသေဆုံးသွားခဲ့ကြောင်း စုံစမ်း သိရသည်။
ယမန်နေ့ (ဇူလိုင် ၉) ရက် ညနေပိုင်း ၅ နာရီတွင် မူဆယ်မြို့ တော်ရွက်ကုန်ဆင်းတွင် ၆ ဘီးကား (ကုန်တင်ကား) တစ်စီး နှင့် ဆိုင်ကယ်တစ်စီး တိုက်မိပြီး ဆိုင်ကယ်ပေါ်မှ အမျိုးသားတစ်ဦး ပွဲချင်းပြီး သေဆုံးသွားခဲ့ကြောင်း ၎င်းကိုသွားရောက်ကူညီသည့် နှလုံးလှ လူမှုကူညီရေးအသင်းမှ ပြောသည်။
“ ကျနော်တို့ မူဆယ်မြို့ တော်ရွက်ကုန်းဆင်းမှာ ဖြစ်သွားတာဗျ။ ဘယ်သူမှား ဘယ်သူမှန်တယ်တော့ ပြောလို့မရဘူး၊ သူတို့အမြန်မောင်းတာလည်း ဖြစ်နိုင်တယ်။ ကျနော်တို့ ရောက်သွားတုန်းကတော့ ဆိုင်ကယ်သမားက အသက် မရှိတော့ဘူး။ အလောင်းကို ကျနော်တို့ ဆေးရုံပို့လိုက်တယ် “ ဟု လူမှုကူညီရေးအသင်းမှ တာဝန်ခံတစ်ဦးက ပြောသည်။
အဆိုပါ သေဆုံးသွားသူ ဆိုင်ကယ်သမားသည် အသက် ၂၀ နှစ်အရွယ် အမျိုးသားတစ်ဦး ဖြစ်ပြီး သိန်းသန်းချီအဝေးပြေးကားကွင်းတွင် အလုပ်လုပ်ကိုင်နေကြောင်း သိရသည်။
ပြီးခဲ့သည့် ဇူလိုင်လ ၂ ရက်တွင်လည်း မူဆယ်မြို့ မင်္ဂလာလမ်းတွင် အမျိုးသားတစ်ဦး ယာဉ်တိမ်းမှောက်ပြီး ထိခိုက်ဒဏ်ရာများစွာဖြင့် ဆေးရုံတင်ဆောင်ထားရကြောင်း သိရသည်။
Leave a Comments