ထိုင်းနိုင်ငံ ချင်းမိုင်ခရိုင် ဖှန်မြို့နယ်ရှိ မွမ့်ပင်ကျေးရွာအုပ်စုတွင် လင်မယားချင်း စကားများရာမှ အမျိုးသမီးဖြစ်သူက အမျိုးသားကို ဓားထိုးပြီး သေဆုံးခဲ့ရသည့် အဆင့်ဖြစ်ကြောင်း စုံစမ်း သိရှိရသည်။
ပြီးခဲ့သည့် ဇူလိုင် (၅) ရက်တွင် အသက် (၃၀) အရွယ်ရှိ စိုင်းဟောင်ခမ်း ဆိုသူသည် တခြားအမျိုးသမီး နှင့် ပွေရှုပ်သည့် ကိစ္စကြောင့် စကားများရာမှ တစ်ဆင့် အမျိုးသမီးဖြစ်သူ နန်းဆွဲ့ က ဓားဖြင့် ထိုးမှု ဖြစ်ပွားကြောင်း သိရှိရသည်။
“သူ့ ယောကျာ်းက တခြားမိန်းမ နဲ့ သွားရှုပ်တယ်ဆိုတာ အမျိုးသားဖြစ်သူကလည်း လက်ခံတယ်။ သူတို့ ၂ ယောက် ဆွေးနွေးနေစဥ်မှာ ယောကျာ်းဖြစ်သူက သွားရှုပ်ထားတဲ့ မိန်းမကို အလေးပေး ပြောတော့ သူ့လက်ရှိ မိန်းမက သူ့ကို ဓား နဲ့ ခုတ်လိုက်တာ” ဟု ဖြစ်စဥ်ကို သိရှိသူက cm108.com မှာ ပြောထားသည်။
အမျိုးသမီး ဖြစ်သူလည်း ထွက်ပြေးမှု မရှိဘဲ ရဲများ လာရောက်သည့်အထိ စောင့်ဆိုင်းပြီး အဖမ်းခံခဲ့သည်ဟု သိရသည်။
အဆိုပါ လင်မယား နှစ်ယောက်သည် မကြာခဏ စကားများ ရန်ဖြစ်ကြခြင်း၊ ယောကျာ်းဖြစ်သူက အရက်သောက် မူးယစ်ပြီး ဘေးပတ်ဝန်းကျင်ကို ရန်ရှာခြင်း များရှိခဲ့ဖူးကြောင်း သိရသည်။
Leave a Comments