သျှမ်းပြည် တာချီလိတ်မြို့တွင် တစ်ရက်အတွင်း ငွေကျပ်သိန်းပေါင်း မြောက်များစွာ မူးယစ်ဆေးဝါးများကို ဖမ်းဆီးရမိကြောင်း သတင်းရရှိသည်။
ပြီးခဲ့သည့် ဇွန်လ ၄ ရက် ၁ နာရီခွဲတွင် တာချီလိတ်မြို့ ဝိန်းကျောက်ရပ်ကွက် တော်ကော့ (အတွင်း) ရှိ ငှားရမ်းနေအိမ်၌ သတင်းအရ သက်သေများနှင့်အတူ ဝင်ရောက်ရှာဖွေ စစ်ဆေးခဲ့ရာ စိတ်ပြောင်းဆေးဝါး (ကက်တမင်း) အလေးချိန် ၈၀ ဂရမ်၊ စိတ်ကြွရူးသွပ်ဆေးပြား ၁၀,၀၀၀ ပြား နှင့် လက်ကိုင်ဖုန်း ၁ လုံး၊ စုစုပေါင်း (ဒေသကာလပေါက်ဈေး တန်ဖိုးကျပ်ငွေ) ၇၈ သိန်း နှင့်အတူ အမှုသက်ဆိုင်သူ အသက် (၂၆) နှစ် အားလောင်ကို ဖမ်းဆီးသိမ်းမိရကြောင်း ထုတ်ပြန်ထားသည်။
အဆိုပါ သက်ဆိုင်သူ အားလောင်ကို ဖမ်းဆီးမိပြီး ကွင်းဆက်ဖော်ထုတ်ချက်အရ ဆန်ဆိုင်း (ခ) ရပ်ကွက်၊ ရှမ်းရိုးမကွင်းရှိ အသက် (၄၄) နှစ် လော်ချူး (ခ) အားဒို ကို စိတ်ကြွရူးသွပ်ဆေးပြား ၄,၀၀၀ ပြား (ဒေသကာလပေါက်ဈေး တန်ဖိုး ငွေကျပ် ၂၈ သိန်း)၊ မော်တော်ဆိုင်ကယ် ၁ စီး၊ လက်ကိုင်ဖုန်း ၁ လုံးနှင့်အတူ ဖမ်းဆီးရမိကြောင်း ရေးသားဖော်ပြထားသည်။
အလားတူ ဇွန်လ ၄ ရက်ထဲ၌ မိုင်းဆတ်မြို့၊ မအို့ကျေးရွာအနီးတွင် မသင်္ကာဖွယ်သူ အသက် (၄၅) နှစ် လှမင်း ဆိုသူကို စစ်ဆေးခဲ့ရာ ဘေးလွယ်အိတ်ထဲရှိ စိတ်ကြွရူးသွပ်ဆေးပြား ၁၀၀ ပြား (ဒေသ ကာလပေါက်ဈေး တန်ဖိုးငွေကျပ် ၇၀,၀၀၀) ဖမ်းဆီးရမိခဲ့ပြီး ဆက်စပ်ဖော်ထုတ်ချက်အရ အသက် (၅၂) နှစ် ဘိုဖာကို (၁,၉၃၀) အလေးချိန် စိတ်ကြွရူးသွပ်ဆေးပြားနှင့်အတူ ဖမ်းဆီးရမိခဲ့သည်။
ထိုသို့ မူးယစ်ဆေးဝါး၊ စိတ်ကြွရူးသွပ်ဆေးပြား နှင့် ပတ်သက်ပြီး ဖမ်းဆီးရမိသူ လူ ၄ ဦးကို သက်ဆိုင်ရာ ရဲစခန်းများတွင် မူးယစ်ဆေးဝါး နှင့် စိတ်ကိုပြောင်းလဲစေသော ဆေးဝါးများဆိုင်ရာ ဉပဒေအရ အမှုဖွင့် အရေးယူထားကြောင်း CCDAC Myanmar က ထုတ်ပြန်ထားသည်။
Leave a Comments