သို့
သျှမ်းသံတော်ဆင့် သတင်းဌာနမှ တဆင့် အများပြည်သူ သိရှိစေရန် ဖော်ပြပေးစေလိုခြင်း။
သျှမ်းပြည် လားရှိုးမြို့က လယ်ယာမြေ ပွဲစား နဲ့ မြို့နယ် အုပ်ချုပ်ရေးမှူးတွေ ပူးပေါင်းပြီး လယ်ယာမြေတွေကို အကွက်ရိုက်ပြီး တရုတ်တွေဆီ ရောင်းချနေပါတယ်။ လယ်ယာမြေတွေ တရားမဝင် ရောင်းဝယ်နေကြပြီး ပွဲစား နဲ့ ပေါင်းပြီး အကွက်စိတ်ရိုက်ပြီး ရောင်းနေကြတယ်ဗျ။
အဲ့ဒီ အကွက်ရိုက် ရောင်းချတဲ့ နေရာကတော့ အဓိက ရပ်ကွက် (၅) ကုန်းညောင်ကျေးရွာသွားတဲ့ လမ်း နဲ့ နမ့်ကျန်ရွာ တွေ ဖြစ်နေကြတယ်။ အဲ့ဒီအတွက်ကြောင့် ကျနော်တို့ တိုင်းရင်းသားတွေက မရှိဆင်းရဲတော့ ကိုယ့်မြေကို တရုတ်တွေဆီ ထိုးရောင်းပြီး တရုတ်တွေက အွန်လိုင်း ငွေလိမ်လည်ပြီး ရတဲ့ ငွေတွေနဲ့ တရားမဝင် ဝယ်နေတော့ ကျနော်တို့ လက်ရှိ လားရှိုးဒေသခံတွေရဲ့ အခြေနေက money laundarying (ငွေကြေးခဝါချခြင်း) လုပ်နေသလို ခံစားရပါတယ်။
ဒါတွေကို ပွဲစား နဲ့ မြို့နယ်ထွေအုပ်က ခန့်ထားတဲ့ ရပ်ကျေးစာရေးတွေ ကျေးရွာအုပ်ကြီးတွေ ပေါင်းပြီး ရောင်းစားနေတာဗျ။ ကျေးရွာ စာချုပ်သဘောမျိုး နဲ့ ရောင်းဝယ်နေကြတယ်။ တကယ်ရောင်းတာက သိန်း (၁) ထောင်ဆိုရင် စာချုပ်ထဲမှာ သိန်း (၁၅၀) လောက်ပဲ ထည့်တယ်။ဒါကို ကြည့်ချင်းအားဖြင့် အဓိက အကြောင်းအရာ (၃) ခု ရှိမယ်ထင်ပါတယ်။
၁ – အချက်က ငွေကြေးခဝါချခြင်း၊ တရုတ်တွေက အွန်လိုင်း ငွေကြေးလိမ်လည်မှုကနေရတဲ့ ငွေမည်း တွေကို ငွေဖြူ လာလုပ်တယ်လို့ မြင်တယ်။
၂ – တိုင်းရင်းသားတွေ ပိုင်တဲ့ လယ်မြေတွေကို အဆမတန် ပေးဝယ်ပြီး တိုင်းရင်းသားတွေက ဘုံပျောက်အောင် ပွဲစားတွေ မြို့နယ်အုပ်ချုပ်ရေးက ခန့်ထားတဲ့ ရပ်ကျေး စာရေးတွေ နဲ့ ကျေးရွာအုပ်ချုပ်ရေးမှူးတွေ ပေါင်းစားတယ်လို့ မြင်ပါတယ်။
၃ – တချို့ ရောင်းစားထားတဲ့ နယ်မြေတွေက သစ်တောပိုင်နယ်မြေတို့ ရေလွဲရေဝင် နယ်မြေတို့ ဘုန်းကြီးကျောင်း ပိုင်နယ်မြေတို့ ဒါမျိုးလည်း ပါတယ်ဗျ။ ဒါတွေကို တချို့ တိုင်းရင်းသားတွေက ငွေစုပြီး ဝယ်တဲ့အခါကျတော့ မသိပဲဝယ်မိရင် နောက်ဆို ပိုရှုပ်ထွေးလာမယ်ဗျ။
၄ – သဘာဝ ပတ်ဝန်းကျင် နဲ့ ပတ်သက်ရင် ပျက်စီးပါတယ်။ ရှိပြီးသား သစ်တောမြေတွေ လယ်ယာမြေတွေကို အခြားမြေယာ သုံးစွဲခွင့် နဲ့ ဝိုင်းပြီး အိမ်ဆောက်နေတဲ့အတွက် လက်ရှိမှာတော့ အပင်တွေ ဆက်တိုက်ခုတ်ပြီးတော့ သစ်တောတွေ ပြုံးတီးနေတာတွေ ရှိပါတယ်။
ဒီလို အကွက်ရိုက်ပြီး လုပ်တဲ့ ပွဲစားတွေ အုပ်ချုပ်ချုပ်ရေးမှူးတွေ စတာတွေကို ကျနော်တို့ဆီမှာ နာမည်စာရင်း အတိအကျ ရှိပြီး မီဒီယာကနေ တစ်ဆင့် ထိန်းကျောင်းပေးစေချင်ပါတယ်။ ဒီလိုမှ မထိန်းကျောင်းရင် နောင်တချိန် အတော် နောင်တရ ရကြမယ်ဗျ။
မှ/
လားရှိုးဒေသခံ
